प्रतिकात्मक तस्बिर
गोरखा। गोरखा नगरपालिका भित्र अफ्रिकन स्वाइन फिवर देखिएकाे आशंका गर्दै सबैलाई सर्तकता अपनाउन आग्रह गरेको छ ।
राेग संग मिल्दोजुल्दो रोगको लक्षण देखीएकाे र केही बंगुर मरेको भन्दै गाेरखा नगरपालिकाले एक सूचना जारी गर्दै किसानलाई सर्तकता अपाउन अनुरोध गरेको हाे ।
नगरपालिकाका पशुविकास अधिकृत डा. सुवास बेलबासेका अनुसार नगरपालिका भित्रका केही वडाहरुमा रहेका बंगुर फार्म र किसानले घरमा पालेका बंगुरहरुमा अफ्रिकन स्वाईन फिवरको लक्षणसंग मिल्दो जुल्दो रोग देखिएको छ ।
अफ्रिकन स्वाइन फिवरको सटिक उपचार नहुने र रोग नियन्त्रण गर्न र थप फैलन नदिन ध्यान दिन नगरपालिकाले अनुरोध गरेको हो ।
अफ्रिकन स्वाइन फिभर रोग किर्नाको टोकाइबाट, दूषित दानापानीबाट, सङ्क्रमित भाँडाकुँडा तथा कपडाबाट र सङ्क्रमित सुईबाट सर्ने हुँदा सतर्कता अपनाउन पशु चिकित्सकहरुले सझुाव दिएका छ ।
यस रोगको उपचार नहुने भएकाले उच्च जैविक सुरक्षा अपनाउन किसानलाई आग्रह गरिएको छ । उक्त रोगविरुद्ध हालसम्म कुनै भ्याक्सिन नबनेकाले सङ्क्रमण नफैलिएका अन्य पालिकामा पनि किसानलाई सतर्कता अपनाउन आवश्यक रहेको पशु चिकित्सकहरुको भनाई छ ।
बङ्गुरमा उच्च ज्वरो आउने, खाना मन नगर्ने, झोक्राउने, पेट र कानमा रगतका धब्बा देखापर्ने, एकैपटक धेरै सुँगुर बङ्गुर बिरामी पर्ने तथा सर्नेजस्ता लक्षण देखा पर्दछ ।
नगरपालिकाले फर्म वा घरमा पालिएको बंगुरमा विरामी परेमा छुट्टै राख्न, लक्षण देखिएका बंगुर बिक्री वितरण नगर्र्न, खोरभित्र जैविक सुरक्षाका बिधि अपाउन पनि अनुरोध गरेको छ । त्यस्तै रोग लागेको शंका लागेमा नजिकको पशु प्राविधिक वा सम्बन्धित निकायमा तत्काल जानकारी गराउन पनि नगरपालिकाले सूचनामार्फत आग्रह गरेको छ ।
