गोरखा । महिलाहरुको पाठेघरको मुखमा हुने क्यान्सर बिरुद्वको एच.पि.भी.खोप अभियान २०८१ को बारेमा सरोकार वालाहरुलाई आज सदरमुकाममा अभिमुखीकरण कार्यक्रम सम्पन्न भएको छ ।

प्रदेश जनस्वास्थ्य कार्यालय गोरखाको आयोजनामा सरोकारवालाहरुलाई अभिमुखीकरण कार्यक्रम सम्पन्न भएको कार्यालयका जनस्वास्थ्य निरिक्षक नानीबावु दानीले जानकारी दिए । उनका अनुसार याे खोप अभियानमा गाेरखाका १० हजार १६८ जना किशोरीलाई खोप लगाइने छ ।

जिल्ला समन्वय उप–प्रमुख लिला परियारको अध्यक्षतामा भएको उक्त कार्यक्रममा एच.पि.भी.खोप सम्वन्धी विविध जानकारी गराईएको थियो ।

खोपका बारेमा विश्व स्वास्थ्य संगठन, नेपालका सर्भिलेन्स अफिसर डा.रामु शर्माका साथै जनस्वास्थ्य कार्यालय, गोरखाका जनस्वास्थ्य प्रशासक एवं कार्यालय प्रमुख यम प्रसाद शर्माले सहभागीहरुलाई जानकारी गराएका थिए ।

कार्यक्रममा प्रमुख जिल्ला अधिकारी पुण्य बिक्रम पौडेल, सहायक प्रमुख जिल्ला अधिकारी चित्राङ्कग्त बराल, स्वास्थ्य क्षेत्रमा कार्यरत संघ संस्थाका साथै जिल्लामा क्रियाशिल सञ्चारकर्मीहरुको उपस्थिती रहेको थियो ।

लेखकबाट थप:

• सुन ताेलामा ४८ सयले घट्याे
• आज कुशे औँसी
• नेपाल राष्ट्र बैंकले शुक्रबारकाे लागि निर्धारण गरेकाे विदेशी मुद्राको विनिमयदर
• चितवनमा इभी कारमा आगलागी, चालकको मृत्यु, पहिचान हुन सकेन
• आजकाे माैसम : देशभर मनसुनी वायुको प्रभाव कायमै, केही स्थानमा भारी वर्षाको सम्भावना