गोरखा । गोरखाको बारपाक सुलिकोटमा सामुदायिक बिद्यालय स्तरीय रनिङ शिल्ड प्रतियोगिता हुने भएको छ । पालिकाले एक सूचना जारी गर्दै आउदो कार्तिक दोस्रो साताबाट प्रतियोगिता सञ्चालनमा आउन जनाएको हो ।
बारपाक सुलिकोट गाउँपालिकाको आयोजनाम हुन उक्त प्रतियोगिता कार्तिक ८, ९ र १० गते हुने छ । शहिद आशाकाजी श्रेष्ठ स्मृती रंगशालामा हुने प्रतियोगिता कात्र्तिक ८ गते बिहान ९ बजेदेखी सुरु हुने पालिकाले जानकारी दिएको छ ।
छात्र र छात्रा बिच हुने खेलहरु ४ वटा बिद्यामा हुने छन् । सार्वजनिक सूचना अनुसार भलिबल, कब्बडी, एथ्लेक्टिक र फिल्ड तर्फ उफ्रने र फ्याक्ने खेलहरु हुने छन् ।
पालिकाको शिक्षा शाखाले दिएको जानकारी अनुसार एथ्लेक्टिस छात्र तर्फ १००, २००, ४००, ८००, १ हजार ५०० र ३ हजार मिटर दौड तथा ४ हजार १०० र ४ हजार ४०० मिटरको रिले दौड हुने छ ।
त्यस्तै छात्रा तर्फ १००, २००, ४००, ८००, १ हजार ५०० र ३ हजार मिटर दौडका साथै ४ हजार र ४ हजार ४०० तर्फ रिले दौड हुने छ ।
फिल्ड तर्फ उफ्रने छात्र र छात्राको हाइजम्प, लङजम्प र त्रिपलजम्प रहेको छ । त्यस्तैगरी, फ्याक्ने तर्फ छात्रको ज्याभलिङ थ्रो ८०० ग्राम र सटफुट १२ पाउण्डको र छात्रा तर्फ ज्याभलिङ ६०० ग्राम र सटफुट ८ पाउण्डको रहेको पनि शिक्षा शाखाले जानकारी दिएको छ ।
प्रतियोगितामा सहभागी हुन पालिकाले प्रतियोगिता ब्यवस्थापन तथा निर्देशन समिति तयार गरेको छ । समितिका अनुसार १८ बर्षभन्दा मुनीका बिद्यार्थीहरुले उक्त प्रतियोगितामा भाग लिन पाउने तर हालै एसईई ग्रेड बृद्वि परीक्षा दिई अनुर्तिण भएका बिद्यार्थीहरुले सहभागिता जनाउन नपाउने नियम बनाइएको छ ।
समितिका अनुसार खेल तालिका आगामी कात्र्तिक ५ गते भित्रै सार्वजनि गरीने छ ।