साँकेतिक तस्बिर
गोरखा । उत्तरी गोरखाको धार्चेमा गएको पहिरोमा परी वेपत्ता हुने र घाईतेहरुको नाम खुलेको छ । धार्चे गाउँपालिका–५ को रेसेमा आइतबार बिहान पहिरो जाँदा ५ जना वेपत्ता भएका थिए भने २ जना घाईते भएका छन् ।
पहिरोमा परेर दिलिप गुरुङ र छमबहादुर गुरुङ घाईते भएको पालिका स्वकीय सचिव राज गुरुङले बताए । उनका अनुसार दिलिप गुरुङ गंभिर घाईते भएका छन् । अर्का छमबहादुर गुरुङ भने सामान्य घाईते भएको उनले जानकारी दिए ।
त्यस्तैगरी, सोही पहिरोमा परेर जितबहादुर गुरुङ, कान्छी गुरुङ, सुराल कान्छा गुरुङ र रमेश गुरुङ वेपत्ता भएका छन् । अर्का १ जनाको भने नाम खुल्न नसकेको सचिव गुरुङले बताए ।
वडाध्यक्ष गुरुङ अहिले प्रहरी सहितको टोली लिएर घटना स्थल तर्फ जादै गरेका छन् । उनले आफु अबको १ घण्टा भित्र पुग्ने र त्यसपछी मात्र सत्य तथ्य जानकारी हुने समेत बताए ।
जिल्ला प्रहरी कार्यालय गोरखाका प्रहरी प्रमुख प्रहरी उपरिक्षक बासुदेव पाठकका अनुसार आइतबार बिहान ३ देखी ३ः३० बजे पहिरो गएको थियो । पहिरोमा परेर ५ जना बेपत्ता र २ जना घाईते भएका थिए ।
घाइतेको अहिले स्थानिय स्वास्थय संस्थामा उपचार जारी छ ।
