गोरखा । शिक्षा, स्वास्थ्य र पर्यटन क्षेत्रमा काम गर्दै आएको गैर सरकारी संस्था गोरखा सेवा समाज नेपालको अध्यक्षमा गणेश बानियाँ सर्व सम्मत रुपमा चयन भएका छन् ।
गोरखा सदरमुकाममा हालै सम्पन्न चौथो सारधारण सभा एवं तेस्रो अधिवेशनले अध्यक्षमा बानियाँलाई सर्व सम्मत रुपमा चयन गरेको हो ।
अधिवेशनले वरिष्ठ उपाध्यक्षमा काजिराम बानियाँ, उपाध्यक्षमा गोरखा सेवा समाज कतारका अध्यक्ष तथा सचिवमा सुरेन लामिछाने सर्व सम्मत चयन भएका छन् ।
त्यस्तैगरी, कोषाध्यक्षमा रित्तबहादुर बानियाँ, सदस्यहरुमा खिलप्रसाद तिवारीर लक्ष्मण देवकोटा चयन भएका छन् । बाँकी पदाधिकारी तथा सदस्यहरुको चयन कार्य समितिको बैठकले गर्ने गरी अधिवेशन सम्पन्न भएको अध्यक्ष बानियाँले जानकारी दिए ।
कार्यक्रममा सचिव र कोषाध्यक्षको प्रतिवेदन समेत सर्व सम्मत रुपमा पास गरीएको छ ।
०७२ सालमा गोरखा बजारमा केन्द्रिय कार्यालय रहने गरी स्थापना भएको समाजलाई ०७३ सालमा एक कार्यक्रम बिच तात्कालीन अध्यक्ष सुर्दशन भट्टको अध्यक्षतामा गोरखा सेवा समाज कतारले बिधानको उद्वेश्य अनुरुप काम गर्ने गरी २५ लाख रुपैयाँ अक्षय कोषको लागि हस्तान्तरण गरिएको थियो ।
समाजले सोही कोषबाट आउने ब्याज रकमबाट बर्षे शिक्षा, स्वास्थ्य र पर्यटन क्षेत्रमा लगानी गर्दै आएको छ ।