गोरखा । डा.बावुराम भट्टराईले माओबादी केन्द्रका अध्यक्ष पुष्पकमल दाहाल ‘प्रचण्ड’लाई गोरखाबाट जिताउनु गलत भएको टिप्पणी गरेका छन् । गृह जिल्ला गोरखा आएका उनले सञ्चारकर्मीहरु संग कुरा गर्दै प्रचण्डले गोरर्खाली जनतामाथी ठुलो घात गरेको आरोप लगाएका हुन् ।
उनले ‘चितवनमा असुरक्षित महशुस गरेका उनलाई गोरखामा पाहुना बनाएर ल्याएर जिताएको’ भन्दै उनले भने ‘जित पछी उनले गोरर्खाली जनता माथि ठुलो घात गरे ।’
उनले संघिय चुनाव अगाडी नेपाली काँग्रेस, माओवादी केन्द्र र जनता समाजबादी पार्टी बिच चुनाव पछीको ५ बर्ष मिलेर काम गर्ने सहमती भएको भएता पनि उनले सत्ता समिकरण परिवर्तन गरेर देशमा अस्थिरता निम्ताएको आरोप समेत लगाए ।
सञ्चारकर्मीहरु संग कुरा गर्दै डा.भट्टराइले गोरखालाई देशकै एउटा विकासको मोडल बनाउने र गण्डकी प्रदेशलाई समेत सोही अनुसार लाने सहमती अनुसार नै संघिय चुनावमा उदारता पूर्वक सहयोग गरेको बताए । तर प्रचण्डले अहिले आएर सत्ता समिकरण परिवर्तन गरेर संघिय लोकतान्त्रिक, संविधानको रक्षा र शान्ति प्रकृया माथी नै हात हानेको आरोप लगाए ।
उनले भने ‘प्रचण्डले संघिय लोकतन्त्रको रक्षा, संविधानको रक्षा र शान्ति प्रकृया पुरा गर्ने सहमती बिपरीत काम गरेर कुराघात गरे ।’
डा.भट्टराईले प्रचण्डले पुरानो गठबन्धन तोडेर देशलाई अस्थिरता तर्फ धेकेलेको भन्दै ‘शान्ति प्रकृया पुरा गर्ने, देशलाई स्थिरता दिने, विकास र समृद्विको बाटोमा अगाडी बढ्ने समहती विपरीत कार्य गरेको आरोप लगाउदै उनले गोरर्खाली जनता माथि ठुलो कुठाराघात गरेकोले आफुले जनता संग क्षमायाचना मागे ।
पटक पटक प्रचण्डले गोरर्खाली जनतालाई कुठाराघात गरेको कुरा उल्लेख गर्दै ‘मेरो उदारता, मेरो सदसयतालाई नै कमजोरी जस्तो गरेर जुन खेलबाड यहाँ भयो त्यसका निम्ती आफु अत्यन्तै दुखीत छु । म लजित छु । गोरर्खाली जनता संग पनि क्षमायाचना गर्न चाहान्छु’ उनले भने ‘मेरो राम्रो नियत थियो । असल नियतले नै मैले पुष्पकमल दाहाल ‘प्रचण्ड’लाई गोरखामा बोलाएर, गोरर्खाली जनता संग मत मागेर जिताउने जुन काम हामी सबैले गर्यौ र गोरर्खाली जनताले गर्नुभयो त्यसमाथी ठुलो घात भएको छ ।’
सञ्चारकर्मीहरुले दलिय भाग वण्डा राजदुत नियुत्ती तथा बजेटका बिषयमा राखेको प्रश्नका बारेमा बोल्दै डा.भट्टराईले ‘राजदुत नियुत्तीमा यो सरकारले भत्ता मजाक गरेको’ भन्दै यो खेद जनक कार्य भएको बताए ।
बजेटका बारेमा भने उनले खासै टिप्पणी गर्न नचाहेको भएता पनि यो बजेट टुक्रे योजना भएकोले देशको बिकास नहुने बताए ।