गोरखा । गोरखा–आँबुखैरेनी रोड अन्तरर्गतको १४ किलोमा सडक दुर्घटनामा परि घाईते हुनेको पहिचान खुलेको छ । दुर्घटनामा परी तनहुँ जिल्ला आँबुखैरेनी गाउँपालिका–३ बस्ने ३३ बर्षका युवराज गुरुङ र ३२ बर्षका शिव मगर भएको पहिचान खुलेको जिल्ला प्रहरी कार्यालय गोरखाका प्रहरी निरिक्षक एवं निमित्त सूचना अधिकारी उज्वलबहादुर सिंहले बताए ।
उनका अनुसार गोरखा बजारबाट १२ किलो तर्फ जादै गरेको बोलेरो जिप र विपरीत दिशाबाट आउदै गरेको स्कुटर गोरखा नगरपालिका–११ को १४ किलो जंगलमा एक आपसमा ठोकिएको हो ।
दुर्घटनामा प्रदेश ३–०१–०२३ च ५७१७ नम्बरको बोलेरो जिप र ग २३ प ७१४ नम्बरको स्कुटर एक आपसमा ठोकिएको थियो । प्रहरीले बोलेरोका चालक चितवन जिल्ला खैरेनी नगरपालिका–७ का २८ बर्षिय दिपक शाहलाई पनि नियन्त्रणमा लिएको जनाउको छ ।
दुर्घटनामा परेका स्कुटर चालक युवराजको शरिरको विभिन्न भागका चोट लागेको र बोल्न नसक्ने अवस्थामा रहेको र अर्का घाईते शिव मगरको भने दायाँ खुट्टा भाँचिएको र बोल्न सक्ने अवस्थामा रहेको प्रहरीले जानकारी दिएको छ ।
दुवैको गोरखा अस्पतालमा उपचार जारी रहेको प्रहरीले जानकारी दिएको छ । दुर्घटना दिउसो १ बजे भएको थियो ।
