गोरखा । बिहीबार राती गोरखा सदरमुकामको दलभञ्ज्याङ २ वटा मोटरसाइकल एक आपसमा ठक्कर खादा मोटरसाइकलमा सवार चारै जना घाईते भएका छन् । घाईते भध्ये २ जनाको अवस्था गंभिर भएकोले थप उपाचारको लागि चितवन लगिएको गोरखा प्रहरीले जानकारी दिएको छ ।
गोरखा नगरपालिका–९ को दलभञ्ज्याङमा बिहीबार राती ९ः३० बजेको समयमा लक्ष्मी बजारदेखी गोरखा बजार तर्फ आउदै गरेको बा. ८१ प १२१७ नम्बरको बुलेट मोटरसाइकल र विपरीत दिशाबाट लक्ष्मीबजार तर्फ जादै गरेको बा–०२–४६ प ३७२४ नम्बरको स्कुटर एक आपसमा ठोकिएर दुर्घटना भएको जिल्ला ट्राफिक प्रहरी कार्यालयले पुष्टी गरेको हो ।
दुर्घटनामा घाईते भएका चारै जनाको गोरखा अस्पतालमा उपचार गरिएको थियो । उपचार गरिएका मध्ये स्कुटरमा सवार एन्जल्स गुरुङ र सचिन भूजेलको अवस्था गंभिर भएको भन्दै थप उपचारको लागि चितवनको भरतपुर पठाएको छ । सोही दुर्घटनामा परेको बुलेट बाईकका दुवै जनालाई सामान्य उपचार पछी डिस्चार्ज गरीएको पनि गोरखा प्रहरीले जानकारी दिएको छ ।
प्रहरीले दुवै मोटरसाइकल नियन्त्रणमा लिएर घटनाको अनुसन्धान सुरु गरेको जनाएको छ ।
