गोरखा । ५२औ विश्व वातावरण दिवसको अवसरमा गोरखा सदरमुकामको एक बिद्यालयका बिद्यार्थीहरुले र्याली सम्पन्न गरेको छ । गोरखा नगरपालिका–६ को मोडर्न ईङ्लिस बोर्डिङ स्कूल र गोरखा ईङ्लिस बोर्डिङ स्कूलका बिद्यार्थीहरु सचेतना मुलक र्याली सम्पन्न गरेको हो ।
बिद्यार्थीहरुको र्यालीले कालिमाटी बजारदेखी शक्तिचोक, पुरानो बसपार्क, रानि पोखरी, ठुलो आँगन, हस्पिटल चोक हुदै पनि बिद्यालय परिषरमा आएर समापन गरेको प्रिन्सीपल सिताराम तिवारीले जानकारी दिए ।
उनका अनुसार र्याली गरिएका स्थानहरुमा बिद्यार्थीहरुले सरसफाई समेत गरेका थिए । बिद्यार्थीहरुको उक्त समूहले जनचेतनामुलक प्रभावफेरी सकेर विद्यालय परिसरमा बृक्षा रोपण समेत गरेका थिए ।
विद्यार्थीहरूले हाम्रो भुमी हाम्रो भविष्य, पृथ्वी जोगाउ जीवन बचाउ, बोटविरुवा रोपौ हरियाली बढाऔ, घर आगन बाटो, पानी पधेरा सफा राखौ जस्ता नारा लेखिएका प्लेकार्ड बोकेका थिए ।
