गोरखा । नेपाल लघुवित्त वित्तीय संस्था कर्मचारी संघ जिल्ला कार्य समिति गोरखाको अध्यक्षमा अञ्जन भट्ट चयन भएका छन् । संघको दोस्रो अधिवेशनले भट्टलाई सर्वसम्मत चयय गरिएको हो ।
शनिबार भएको कर्मचारीहरुको भेलाले भट्टको अध्यक्षतामा १३ सदस्यीय जिल्ला कार्यसमिति समेत चयन भएको छ ।
समितिको वरिष्ठ उपाध्यक्षमा सरोज तामाङ, उपाध्यक्षमा मनमाया ब्याम्बो, कोषाध्यक्षमा अस्मि परियार, सचिव गोपाल सुनार र सहसचिवमा गोबिन्दप्रसाद भट्ट चयन भएका छन् ।
त्यस्तैरी, समितिका अन्य सदस्यहरुमा सबिन न्यौपाने, अन्जली तिवारी अर्याल, गोकुलप्रसाद रेग्मी, रजनी श्रेष्ठ, बासुदेब मरहट्टा, मदन बम्जन र सन्दिप बोहोरा चयन भएको संघले जानकारी दिएको छ ।
समितिको सल्लाहकारमा भने लक्ष्मण ढकाललाई चयन गरेको समितिले जनाएको छ ।
कार्यसमितिले संस्थामा आवद्ध कर्मचारीहरुको पेशागत हकहित, आफु कार्यरत संस्थाहरुको संस्थागत हकहित र व्यवसायी ग्राहक सदस्यहरुको व्यवसायिक हकहितका विषयमा काम गर्ने जनाएको छ ।
लघुबित्त संस्थालाई समाजमा गलत बुझाईको कारण नकारात्मक असर परेकोले अब सदस्यको हकहित, र जिल्लामा सामाजिक संघ संस्था सग समन्वय गरि सामाजिक उत्तरदायी कार्यक्रम गरि जिल्लामा छुट्टै प्रभाव पर्ने गरी काम गर्ने नव निवार्चित अध्यक्ष भट्टले बताए ।