काठमाडौं । नेपाली कांग्रेसको शुभेच्छुक संस्था नेपाल ट्रेड युनियन कांग्रेसले भूकम्पपीडितलाई १ रुपैँया सहयोग गर्न आफ्ना सदस्यलाई आग्रह गरेका छन् ।
युनियनका कार्यवाहक महासचिव बलदेव तामाङले एक विज्ञप्ति जारी गरी गत कात्तिक १७ गते राति जाजरकोट केन्द्रविन्दु बनाएर गएको भूकम्पका पीडितलाई युनियनले स्थापना गरेको भूकम्प पीडित सहयोग कोषमा १ रुपैँया सहयोग गर्न आग्रह गरेका हुन् ।
कार्यवाहक महासचिव तामाङले युनियनले स्थापना गरेको राष्ट्रिय वाणिज्य बैँक नयाँ बानेश्वर शाखाको १४२०१००००४५४७००१ नम्बरको खातामा उक्त रकम जम्मा गर्न सकिने जानकारी दिएका छन् ।
नेपाल ट्रेड युनियन कांग्रेसका अनुसार हाल देशभर झण्डै ५ लाख श्रमिक युनियनमा आवद्ध छन् ।