पोखरा । पोखरामा हालै निर्माण सम्पन्न भएको ‘अन्नपूर्ण केबुलकार’ यही फागुन ६ गतेदेखी ब्यवसायीक रुपमा सञ्चालनमा आउने भएको छ । फेवाताल किनारबाट सराङकोटडाँडा आउजाउ गर्ने पोखराको पहिलो केबुलकार व्यावसायिक सञ्चालनमा ल्याउन लागिएको सिनियर अपरेशन म्यानेजर डिएन कायस्थले बताए ।
पोखरा महानगरपालिका १८ को सेदीमा निर्माण भएको उत्त केबलकार अन्नपूर्ण केबुलकार प्रालिले निर्माण गरेको हो । सेदीबाट सराङकोटसम्म २ हजार २६५ मिटरको दुरी रहेको छ ।
गएको अग्रेजी नयाँ बर्षबाट सेवा सुचारु गर्न लागेको केबुलकारको जेनेरेटरमा समस्या आएपछि केही ढिला गरी सञ्चालनमा आउन लागेको हो । केबुलकार बिहान १०ः०० बजेदेखि साँझ ४ः०० बजेसम्म सञ्चालनमा आउने अप्रेशन म्यानेजर कायस्थले जानकारी दिए ।
स्वदेशी तथा विदेशी पर्यटकलाइ लक्षित गरी उत्त स्थानमा केबुलकार सञ्चालनमा ल्याउन लागेको केबुलकार प्रशासनले जानएको छ । केबुलकार सञ्चालनमा आएसँगै संगै सेदीबाट सराङकोट ९ मिनेटमा नै पुग्न सकिने कम्पनीले जनाएको छ ।
विश्वव्यापी कोरोना महामारीकाका कारण परियोजना सम्पन्न हुन ढिलाइ हुदा लागत बढेको पनि कम्पनीले जनाएको छ । कम्पनीले हालसम्म केबुलकारमा २ अर्ब लगानी भएको जनाएको छ । केबुलकार जापानको ‘निप्पल केबुल’ कम्पनीबाट आयात गरीएको हो ।
केबुलकारमा १८ गोन्डोला र १ मेन्टेनेन्स क्यारियर सहित १८ वटा दैनिक सञ्चालनमा आउने छ । प्रति घण्टा ५०० मानिस आउजाउन गर्न सक्ने उत्त केबलकारको भाडा दर भने प्रति ब्यक्ति नेपालीका लागि ७००, सार्क राष्ट्रका लागि ८०० र तेस्रो मुलुकका नागरिकका लागि ९ डलर भाडादर कायम गरिएको छ ।
ज्येष्ठ नागरिक र अपाङ्गता भएका व्यक्तिका लागि भने भाडामा ५० प्रतिशत छुटको व्यवस्था गरिएको कम्पनीले छ ।
