गोरखा समाचारदाता
काठमाण्डौं – राजधानीमा भारतीय नागरिकले नेपाली युवतीमाथि जवरजस्ती गरेको आरोपमा पक्राउ परेको छ ।
घरेलु काममा लागि राखिएकी बागलुङकी युवती माथि जवरजस्ती गरेको भन्दै प्रहरीले उनलाई नियन्त्रणमा लिएको हो ।
लकडाउनको मौका छोपेर सरावगीले बागलुङकी १८ बर्षिया युवतीलाई पटक पटक बलात्कार गरेको उजुरी परे पछि प्रहरीले उनलाई नियन्त्रणमा लिएको जनाएको छ । प्रहरीले राजधानीको कोहिटी यबहालबाट सरावगीलाई पक्राउ परेको हो ।
राजु ताम्राकारको घर जिम्मा लिएर आफु पनि बस्ने र विभिन्न मानिसलाई भाडामा राख्दै आएका सरावगीले गत फागुनमा ती किशोरीलाई घरेलु कामदारका रुपमा राखेका थिए । काममा राखेको केही दिन बित्न नपाउँदै उनले ती युवतीलाई विभिन्न प्रलोभन देखाएर यौन शोषण शुरु गरेको प्रहरीको प्रारम्भिक अनुसन्धानमा खुल्न आएको छ ।
सरावगीले प्रहरीको बयानमा २ पटक बलात्कार गरेको स्वीकारेको काठमाडौं प्रहरी परिसर टेकुले जानकारी दिएको छ । सरावगीविरुद्ध बलात्कार अभियोगमा मुद्दा दर्ता भइसकेको छ ।
यौन शोषण पछि पनि युवतीले घटना कसैलाई सुनाएकी थिइनन् । सरावगीले दिनहुँ आफुलाई बलात्कार गर्न थाले पछि युवती काम नै छोडेर भागेकी थिइन् । राजधानीमा आफन्तसँग बस्दै आएकी युवतीले आफन्तकै सल्लाहमा प्रहरीमा सरावगीविरुद्ध जाहेरी दिएकी थिईन् ।
प्रहरीले सरावगीको कोठाबाट कण्डम, कण्डमका खोल, तथा तरल वस्तु समेत फेला पारी अनुसन्धानका लागि लगेको छ । त्यस्तै ती किशोरीको मेडिकल परीक्षण गर्दा समेत बलात्कार भएको पाइएको प्रहरीले जनाएको छ । सरावगीलाई हाल काठमाडौं प्रहरी परिसरको हिरासतमा राखिएको छ ।
