सप्तरीमा ड्युटीमा रहेका एक प्रहरी हवल्दारको ‘स्ट्याण्डबाइ’ अवस्थामै अचानक मृत्यु भएको छ । जिल्ला प्रहरी कार्यालय राजविराजमा कार्यरत प्रहरी हवल्दार रामबहादुर मगरको मृत्यु भएको जिल्ला प्रहरी कार्यालय सप्तरीले जनाएको छ ।
कार्यालयभित्रै ड्युटीमा रहेका मगरको बिहीबार बिहान एक्कासी मृत्यु भएको हो । ३७ वर्षमा मृतक मगर उदयपुर जिल्ला निवासी हुन् । उनको मृत्युबारे तत्काल केही भन्न नसकिने र पोष्टमार्टम रिपोर्ट आएपछि मात्रै थाहा हुने प्रहरीले जनाएको छ।
कोरोना परीक्षणका लागि सांसदहरुको स्वाब संकलन धमाधम शुरु भोलि (शुक्रबार) देखि संघीय संसदको बजेट अधिवेशन सुरु हुने भएकाले आज संघीय सांसदहरुको कोरोना परीक्षणका लागि थ्रोट स्वाब संकलन शुरु गरिएको छ। बिहान १० बजदेखि नै बानेश्वरस्थित संसद भवनमा दुवै सदनका सांसदहरुको थ्रोट स्वाब संकलन शुरु गरिएको हो।
संघीय सांसदहरु र सचिवालयका कर्मचारी, सुरक्षाकर्मीहरुको शरीरमा कोरोना भाइरस छ कि छैन भनेर स्वाब परीक्षण गर्न लागिएको संसद सचिवालयले जनाएको छ। संसदका सबै सांसदको स्वाब संकलन गरी पीसीआर परीक्षणका लागि राष्ट्रिय जनस्वास्थ्य प्रयोगशाला टेकु पठाइनेछ।
