गोरखा समाचारदाता
काठमाण्डौं – सरकारले लकडाउनलाई यथास्थितिमै जारी नै तयारी गरिरहेको छ ।
कोरोना रोकथाम तथा नियन्त्रण उच्चस्तरीय समन्वय समितिले लकडाउन कायमै राख्न सरकारलाई सिफारिस गरे पछि आज मन्त्रिपरिषदको बैठक बस्न लागेको हो ।
समितिले लकडाउन ७ देखि १० दिन थप्न सरकारलाई सिफारिस गरेको छ । संक्रमितको संख्या बढ्दै गएको, परीक्षणको दायरा सिमित भएको र सीमाका जिल्लाको जोखिमका कारण अहिले नै लकडाउन खुकुलो पार्न नहुने प्रतिवेदन ‘क्राइसिस म्यानेजमेन्ट सेन्टर’ र स्वास्थ्य मन्त्रालयले सरकारलाई बुझाइसकेका छन् ।
लकडाउनको डेढ महिना अवधि बित्दा संक्रमितको संख्या झनै बढ्न थालेपछि लकडाउन खुकुलो बनाउन नहुने निष्कर्षमा सरकार पुगेको हो । चैत ११ मा लकडाउन सुरु हुँदा नेपालमा २ जना मात्र संक्रमित रहेकामा अहिले ८२ जना पुगिसकेका छन् ।
४४ दिनको यो अवधिमा पनि सरकारले परीक्षण दायरा बढाउन सकेको छैन । र्यापिड टेस्ट ‘भरपर्दो’ नहुने र पीसीआर टेस्ट सबै ठाउँमा पर्याप्त मात्रामा नभएकाले परीक्षण नै सुस्त भइरहेको छ ।
