गोरखा समाचारदाता
बाँके – बाँकेको नेपालगञ्जका फेरी ७ जनामा कोरोना भाइरसको संक्रमण देखिएको छ ।
भेरी अस्पतालमा पीसीआर परीक्षणका क्रममा थप ७ जनामा कोरोना पोजेटिभ देखिएको हो ।
यसअघि नेपालगञ्जमा १६ जना कोरोना संक्रमितको पहिचानपछि उपचार भइरहेको छ । योसँगै नेपालगञ्जमा कोरोना संक्रमित हुनेको संख्या २३ पुगेको छ भने नेपाल भरी संक्रमितको संख्या ८२ पुगेको छ ।
नयाँ संक्रमितहरु नेपालगञ्ज महानगरपालिका ८ का २२, ३० र ४० वर्षका पुरुष तथा ९, ३२, ३४ र ५५ वर्षका महिलामा रहेको स्वास्थ्य मन्त्रालयले जनाएको छ । संक्रमित सबैको अवस्था सामान्य रहेको छ । उनीहरु चिकित्सकको निगरानीमा रहेका छन् ।
कुल संक्रमितमध्ये प्रदेश नम्बर १ मा मात्रै ३१, प्रदेश नम्बर ५ मा २४ र प्रदेश नम्बर २ मा १३ जनामा संक्रमण देखिएको छ । यस्तै बागमती प्रदेशमा ७ र सुदूरपश्चिममा ५ जनामा संक्रमण देखिएको छ । अहिले १०६ जना संकास्पद विरामी आइसोलेसनमा उपचाररत रहेका छन् ।
देशभरी २१ हजार ५२३ क्वारेन्टाइनमा रहेका छन् । अहिले सम्म पिसिआर विधिबाट १३ हजार ६४० जना नमुना परीक्षण भएको छ । आरडिटी विधिबाट ५० हजार ८४५ जनाको परीक्षण भएको स्वास्थ्य मन्त्रालयले जनाएको छ ।
