गोरखा समाचारदाता
गोरखा – मंगलबार कैलालीबाट गोरखा सदरमुकाम ल्याईएका सबै मजदुरको पहिलो चरणको कोरोना परिक्षण सम्पन्न भएको छ ।
जिल्ला प्रहरी कार्यालयको निर्माणाधिन भवनमा काम गर्न ल्याईएका सबै मजदुरहरुको कोरोना परीक्षण सम्पन्न भएको हो ।
जिल्ला स्वास्थ्य कार्यालयले गरेको आरडीटी परिक्षणमा सबै मजदुर कोरोना संक्रमित नभएको पुष्टी भएको कार्यालयका कोरोना फोकल पर्सन नारायण अर्यालले बताए । ‘काम गर्न ल्याईएका सबै मजदुरको आरडिटी परिक्षण गर्दा सबैको नेगेटिभ आयो’ उनले भने । कामगर्न आएका मध्ये ४ जना मजुदुरको पिसिआरको लागि स्वाब संकलन गरि राजधानी पठाईएको छ । त्यसको रिर्पोट बुधबार साँझ सम्म आउन सक्ने अनुमान गरिएको छ ।
स्वास्थ्य परिक्षण संगै सबै मजुदरलाई प्रहरी कार्यालय भित्रै भिन्न भिन्न स्थानमा निर्माण गरिएको क्वारिन्टीनमा राखीएको जिल्ला प्रहरी कार्यालय गोरखामा प्रहरी उपरिक्ष ओमप्रुसाद अधिकारीले बताए ।
मजदुरमा गरिएको परिक्षणबाट संक्रमण नदेखिएको भन्दै बुधबार बिहानै देखी उनीहरु काममा खटिएका छन् । कोरोना संक्रमित जिल्लाबाट सरकारी स्तरमा नै मजदुर सदरमुकाम भित्राएको भन्दै सदरमुकामबासीले असन्तुष्टी व्यक्त गर्दै आएका थिए ।
