गोरखा समाचारदाता

काठमाण्डौं – राजधानीको कालीमाटी तरकारी तथा फलफूल बजार आज (बिहीबार)देखि बन्द भएको छ ।

काठमाडौँ महानगरपालिकाले कालीमाटीमा तरकारी किन्ने उपभोक्ता र व्यापारीको भीड नियन्त्रण गर्न कारोबार बन्द गरेको हो ।

बजारमा तरकारी भित्रिए पनि कारोबार भने महानगरले तोकेका बजारबाट मात्रै हुनेछ ।

महानगरपालिकाले लकडाउन अवधिभर र कोरोना भाइरस नियन्त्रण नहुँदा सम्मका ११ स्थानमा अस्थायी बजार स्थापना गरी बिक्री वितरणको प्रबन्ध मिलाउन कालीमाटी तरकारी तथा फलफुल समिति र थोक व्यापारीलाई आग्रह गरेको छ ।

साथै तरकारी बिक्रीका लागि आवश्यक स्थान भने महानगरपालिकाले उपलब्ध गराउने जनाएको छ ।

काठमाडौँको खुलामञ्च, तीनकुने, गौशाला, चक्रपथ, महाराजगञ्ज, बालाजु, बल्खु लगायतका ११ स्थानमा तरकारी बिक्रीको प्रबन्ध गरिएको महानगरपालिकाले जनाएको छ ।

कालीमाटी बजारमा बाहिरबाट भित्रिएका सबै तरकारी स्टोर गरिन्छ र तिनै तरकारी थोक व्यापारी मार्फत महानगरपालिकाले तोकेको बिक्री केन्द्रमा लगेर बिक्रीको व्यवस्था मिलाइएको छ ।

लेखकबाट थप:

• भारतमा आएकाे चक्रबात नेपालमा पनि प्रवेश गर्न सक्ने भएपछी स्वास्थ्य क्षेत्रका सबैलाई उच्च सतर्कतामा रहन निर्देशन
• पार्टीकाे जिम्मेवारी सम्हालेका ३ सरकारी कर्मचारीलाई कारबाही सिफारिस
• सुन र चाँदी दुवैकाे मूल्य बढ्याे
• तेस्रो संस्करणको नेपाल प्रिमियर लिग : पोखरा एभेन्जर्स र सुदूरपश्चिम रोयल्स खेल्दै
• राष्ट्रपतीय निर्वाचनमा पराजित भएपछी भागेर अमेरिका पुगे बोल्सोनारो