साँकेतिक तस्बिर
गाेरखा । धनगढीमा चट्याङ लागेर ७ जना घाइते भएका छन् । धनगढी उपमहानगरपालिका–१७ धुर्जन्नामा चट्याङको झिल्का लाग्दा ७ जना घाइते भएका हुन् । घाइते सबैको अवस्था सामान्य रहेको प्रहरीले जनाएको छ ।
मंगलबार राति करिब ९ः३० बजेको समयमा स्थानीय खुसीलाल चौधरीको घरको छतमा जन्मदिन मनाइरहेका बेला घर नजिकै चट्याङ पर्दा त्यसको झिल्का लागेर उनीहरू घाइते भएका हुन् ।
घाइते हुनेमा धनगढी उपमहानगरपालिका–१७ धुर्जन्नाकी ३५ वर्षीया आरती चौधरी, १७ वर्षीया आयुसरा चौधरी, १३ वर्षीया सृष्टि चौधरी, ५५ वर्षीया बाग्मती चौधरी, ७ वर्षीय सिसिर चौधरी, १४ वर्षीया रेनुका चौधरी र ३५ वर्षीया जानकी चौधरी रहेका छन् ।
घाइते सबै जनालाई राति करिब ११ः०५ बजे धनगढीस्थित सेती प्रादेशिक अस्पताल पुर्याइएको थियो । अहिले उनीहरूको उपचार भइरहेको छ ।