गाेरखा । कर्णाली र सुदूरपश्चिम प्रदेशको सबै भाग, गण्डकी र लुम्बिनी प्रदेशको पश्चिमी भागमा पश्चिमी वायु तथा कोशी, मधेस, बागमती प्रदेशको सबै भाग तथा गण्डकी र लुम्बिनी प्रदेशको बाँकी भागमा मनसुनी वायुको साथै पश्चिमी वायुको आंशिक प्रभाव रहेको छ ।
जसको प्रभावले कोशी, बागमती, गण्डकी र लुम्बिनी प्रदेशका साथै कर्णाली र सुदूरपश्चिम प्रदेशका पहाडी भागमा साधारणता बादल लागेको छ भने बागमती, गण्डकी र लुम्बिनी प्रदेशको थोरै स्थानमा तथा कोशी प्रदेशको केही स्थानमा मध्यम वर्षा भइरहेको छ ।
आज दिउँसो कोशी, बागमती, गण्डकी, लुम्बिनी प्रदेशको हिमाली भागको थोरै स्थानमा तथा कर्णाली र सुदूरपश्चिम प्रदेशको हिमाली भागको केही स्थानमा चट्याङ्गसहित मध्यम वर्षा र हिमपातको सम्भावना रहेकाे मौसम पूर्वानुमान महाशाखाले जनाएको छ । देशको पहाडी भागका केही स्थानमा तथा तराई भागका केही स्थानमा चट्याङ्ग सहित मध्यम वर्षाको सम्भावना समेत रहेकाे छ ।
आजै राति देशको हिमाली भागका केही स्थानमा चट्याङ्गसहित हल्का वर्षा र हिमपातको सम्भावना छ। देशको पहाडी भूभागको थोरै स्थानमा चट्याङ्गसहित मध्यमसम्म वर्षाको सम्भावना रहेकाे छ ।
लुम्बिनी र सुदूरपश्चिम प्रदेशको तराई भागको केही स्थानमा तथा मधेसलगायत कोशी, बागमती, गण्डकी प्रदेशको तराई भागको केही स्थानमा चट्याङ्गसहित मध्यमसम्म वर्षाको सम्भावना रहेको महाशाखाले जनाएको छ ।