गोरखा । सदरमुकामको गोरखा अस्पतालमा भएको निःशुल्क मुटु स्वास्थ्य शिविरबाट ३५ सय भन्दा बढीले सेवा लिएका छन् ।
हिजो र आज भएको शिविरबाट ३ हजार ५१० जनाले सेवा लिएको बरिष्ठ मुटु रोग विशेषज्ञ डा.अनिल भट्टराईले जानकारी दिए । अघिल्लो बर्ष भने करिब १४ हजार मानिसले मुटुको निःशुल्क जाँच गराएको थियो ।
उनका अनुसार शिविरमा जाँच गराएका मध्य २८ जनाको मुटुको शल्य क्रिया गनुपर्ने देखिएको छ । त्यस मध्य पनि ६ जनाको तत्कालै गनुपर्ने भएकोले उनीहरुलाई राजधानी आउन भनिएको छ ।
रोटरी र रोट्र¥याक क्लब अफ गोरखाको आयोजना तथा सेभ द हर्ट, मनमोहन कार्डियोथोरासिस भाष्कुलर तथा ट्रान्सप्लान्ट सेन्टर त्रिवि शिक्षण अस्पताल महाराजगञ्ज र गोरखा अस्पतालको प्राविधिक सहयोगमा निःशुल्क मुटु स्वास्थ्य शिविरको आयोजना गरीएको थियो ।
शिविरमा ४१३ जनाले ईसिजी गराएका थिए भने ४७९ जनाले ईको गराएको थियो । २ दिने शिविरमा निःशुल्क औषधी समेत बितरण गरीएको थियो ।
शिविर अवधिभर ५० लाख १२ हजार खर्च भएको पनि सेभ द हर्टले जानकारी दिएको छ । सेभ द हर्टले यो सहित १३२औं पटक निःशुल्क मुटु स्वास्थ्य शिविरको आयोजना गरेको हो ।