गाेरखा । नेपाली काँग्रेस गोरखाले सञ्चालन गरेको सय दिने अभियान सकिएको छ । अभियानका क्रममा काँग्रेस गोरखाले जिल्लाका ११ वटै वडाका ९४ वटा वडामा प्रतिनिधि खटाएको थियो ।
अभियानका क्रमका गरिएका काम र भएका उपलब्धी बारे काँग्रेस गोरखाले बिहीबार पत्रकार सम्मेलन गरी जानकारी दिएको छ । ‘हामीले केन्द्रीय प्रतिनीधि ज्यूकै उपस्थितीमा ९ वटा स्थानीय तहको अभियानका बारेमा सम्बन्धित पालिकामै सम्मेलन समेत गरी त्यहाँको अबस्थामा बारेमा छलफल समेत गरेयौं,’ पार्टी सभापति नन्दप्रसाद न्यौपानेले भने,‘पार्टीका अबस्था, गर्नुपर्ने काम, नेता कार्यकर्ताका पीर मर्का असमझारीको बारेमा वडा तह देखिनै प्रतिनिधिहरुले मसिनो छलफल गर्नुभयो । अभियान निकै सफलतापूर्वक सकिएको छ ।’ उत्तरी गोरखाको चुमनुब्री गाउँपालिकामा चिसो सुरु हुन अघि नै पार्टी सभापति आफै गएर अभियान अन्र्तगतका छलफल र सम्मेलन गरिसकेको उनले बताए । धार्चेमा भने जाडो अलि कम भएपछि फागुनमा अभियानका थप कार्यक्रम गर्ने नेपाली काँग्रेस गोरखाले जनाएको छ । वडा तहमा खटिएका प्रतिनिधिहरुले मातहतका टोल समितिलाई पूर्णता दिने, भातृ तथा शुभेक्षुक संस्थाहरुलाई पूर्णता दिएर चलायमान बनाउने, स्थानीय स्तरमा केही अमझदारी भए मिलाउने, क्रियाशिल सदस्य भर्न आब्हान गर्ने, नविकरणका लागि आवश्यक समन्वय गरिदिने, अन्य पार्टी बाट काँग्रेसमा प्रवेश गर्न चाहानेहरुलाई प्रवेश गराउने लगायतका काम गरेको उनले बताए ।
पत्रकारहरुसँग कुराकानी गर्दै केन्द्रीय प्रतिनिधि एवं केन्द्रीय सदस्य सरस्वती अर्याल तिवारीले अभियान उपलब्धीपूर्ण रहेको बताइन् । ‘मलाई केन्द्रीय कार्यसमितिले दिएको जिम्मेवारी अनुसार नेपाली काँग्रेसको वडा, पालिका हुँदै जिल्ला सम्मको कार्यसमितिलाई पूर्णता दिने, भाृत तथा शुभेक्षुक संस्थालाई थप क्रियाशिल बनाउने काममा अभियान पूर्ण रुपले सफल भएको छ,’ उनले भनिन्,‘पालिकाहरुकाहरुमा गएर पार्टीका साथीहरु, अग्रजहरु र जनतासँग पनि संवाद गर्ने मौका मिल्यो ।’ माओवादीको धङ्धङी भएको जिल्ला बिस्तारै काँग्रेसमय हुँदै गएको उनले दाबी गरिन ।
यसैगरी सोही अभियानका क्रममा काँग्रेसले हरेक वडामा कम्तिमा एक लाख रुपैयाँको कोष निर्माण सुरु गरेको छ । पार्टीका सदस्य र शुभेक्षुकहरुबाट संकलित रकम वडा समितिको खातामा जम्मा गरी चेक मार्फत स्थानीय अफ्ठेराहरुमा खर्च गर्ने काँग्रेस गोरखाको तयारी छ ।
समाचार स्राेत नरेन्द्र ढकाल
