गोरखा । गोरखामा भएकाे जिल्ला स्तरीय १२औँ राष्ट्रपति रनिङ शिल्ड प्रतियोगिता ‘२०८१’ को उपाधि सिरानचोक गाउँपालिकाले हात पारेकाे छ ।
जिल्लाको पालुङटार नगरपालिकास्थित श्री भवानी माध्यामिक विद्यालयको खेलकुद मैदानमा ३ सम्म चलेकाे प्रतियोगितामा सिरानचोकले ७ स्वर्ण, ९ रजत र ३ काश्यसहित १९ पदक प्राप्त गर्दै उपाधि हात पारेको हो ।
प्रतियोगितामा पालुङटार नगरपालिकाले ६ स्वर्ण, ६ रजत र ८ काश्य पदक जितेर दोस्रो भएको आयोजक जिल्ला खेलकुद विकास समितिका अध्यक्ष शान्तसिंह बस्नेतले बताए ।
त्यस्तैगरी, भीमसेन थापा गाउँपालिका ५ स्वर्ण, ४ रजत र ३ काश्य पदक प्राप्त गर्दै प्रतियोगितामा तेस्रो हुन सफल भएको छ ।
प्रतियोगितामा सहभागी भएकाे गण्डकी गाउँपालिकाले ४ स्वर्ण, १ रजत र ४ काश्य, बारपाक सुलिकोट गाउँपालिकाले ३ स्वर्ण, ४ रजत र ३ काश्य पदक जित्न सफल भएको छ भने अजिरकोट गाउँपालिका ३ स्वर्ण, ३ रजत, ४ कास्य पदक हात पारेकाे छ ।
यता गोरखा नगरपालिका २ स्वर्ण, २ रजत, २ काश्य, लखन गाउँपालिका ३ काश्य, चुमनुब्री गाउँपालिकाले २ काश्य, धार्चे गाउँपालिकाले १ रजत पदक र आरुघाट गाउँपालिकाले १ काश्य पदक हात पारेकाे आयाेजकले जानकारी दिएकाे छ ।
उपाधि विजेता सिरानचोक गाउँपालिकाले यसअघि पनि लगातार ३ संस्करणको उपाधि जिते सकेको छ ।
जिल्ला खेलकुद विकास समिति गोरखाको आयोजना र पालुङटार नगरपालिकाको सहआयोजनामा रनिङ शिल्ड प्रतियोगिता सञ्चालन गरिएको हो । प्रतियाेगिता गएकाे शनिवारदेखि सुरु भएको थियाे ।
