गोरखा । गोरखा अस्पतालमा बाल खेल उपचार केन्द्रको स्थापना गरीएको छ । अस्पतालमा उपचार गर्न आउने बालबालिकाहरुलाई उपचारमा सहजता ल्याउने गरी केन्द्र स्थापना गरीएको गोरखा अस्पतालका मेडिकल सुपरिटेन्डेन्ट डा.शिद्वाथ खनालले बताए ।
केन्द्र स्थापनापछी अस्पतालमा बालबालिकाका लागि मैत्रीपूर्ण र आरामदायी वातावरण सिर्जना हुने र यसले उपचारमा महत्त्वपूर्ण भूमिका खेल्ने उनको विश्वास रहेको छ ।
अस्पतालमा उपचार क्रममा बालबालिकाले डर मान्ने, तनाव लिने र असजिलो महसुस गर्ने भएका कारण बाल खेल उपचार केन्द स्थापनापछी उनीहरूको उपचार प्रक्रियामा सहजता आउने मेसु खनालको धारणा रहेको छ ।
उपचार केन्द्र नहुदा भन्दा रहेको अवस्थामा बालबालिकालाई उपचार प्रक्रियामा सकारात्मक रूपमा सहभागी हुन प्रेरित हुने र उनीहरूको भावनात्मक स्वास्थ्यलाई पनि सन्तुलित राख्ने गर्दछ ।
त्यसका साथै अभिभावकहरूलाई पनि आफ्ना बालबालिका सुरक्षित र खुसी भएको देख्दा राहतको अनुभूति हुने भन्दै अस्पतालले हालै बाल खेल उपचार केन्द्रको स्थापना गरीएको अस्पताल प्रशासनले जनाएको छ ।
