प्रतिकात्मक तस्बिर
गोरखा । गोरखा छोप्राकका बिक्रम नेपालीलाई प्रहरीले पक्राउ गरेको छ । नेपालीले १ जना २६ बर्षिया महिलालाई बलात्कार गरेको आरोप लागेको हो ।
गोरखा जिल्ला सिरानचोक गाउँपालिका–४ छोप्राक घर भएका नेपालीलाई प्रहरीले पोखरा महानगरपालिका–१३ को काहुँखोलाबाट पक्राउ गरेको हो ।
पिडित महिलाले प्रहरीमा उजुरी दिएलगत्तै २० बर्षका नेपालीलाई वडा प्रहरी कार्यालय रामबजारको प्रहरीको टोलीले पक्राउ गरेको कास्की प्रहरीले जानकारी दिएको छ ।
नेपाली पछिल्लो समय काँहुँखोलामा नै बस्ने गरेको पनि प्रहरीले जनाएको छ ।
पिडित महिलाले नेपाली सहित २ जनाले आफुलाई जबरजस्ती करणी गरेको उजुरीमा उल्लेख गरेकी छिन् । अर्का १ जना भने फरार रहेको र उनको खोजी भईरहेको पनि प्रहरीले जानकारी दिएको छ ।
पक्राउ परेका नेपाली बिरुद्व जबरजस्ती करणी शिर्षकमा मुद्वा दर्तागरी आवश्यक अनुसन्धान सुरु गरेको कास्की प्रहरीले जनाएको छ ।