गोरखा । गोरखा बारपाककी सुचिना घले हत्या प्रकरणमा सफल अनुसन्धान गरेको भन्दै जिल्ला प्रहरी कार्यालय गोरखाका प्रहरी नायब उपरिक्षक (डिएसपी) ईन्द्रप्रसाद सुवेदी सम्मानित भएका छन् ।
सुवेदीलाई गण्डकी प्रदेश प्रहरी कार्यालय पोखराका प्रहरी नायब महानिरिक्षक भोलाबहादुर रावलले मंसिर महिनाको ‘वेष्ट पुलिस अफ दि मन्थ’ घोषणा गरेर सम्मान गरीएको हो ।
सुवेदीले मंसिर १८ गते गोरखाको बारपाकमा भएको सुचिनाको हत्या संलग्नलाई छोटो समयमा कानूनी दायरामा ल्याउन सफल भएका थिए ।
सुचिनाको हत्या पछी डिएसपी सुवेदी अनुसन्धानका लागि बारपाकमा नै बसेर आरोपित मनशम्जेर गुरुङलाई २४ गते नियन्त्रणमा लिन सफल भएका थिए ।
उनको अनुसन्धान अब्बल भएकोभन्दै प्रदेश प्रहरी कार्यालयले सुवेदीलाई मंसिर महिनाको प्रदेश भित्रको ‘उकृष्ट प्रदेश प्रहरी’ भनेर सम्मान गरेको हो ।
महानिरिक्षक रावलले हस्ताक्षर गरेको सम्मान पत्रमा ‘साँगठनिक नीति निर्देशन बमोजिम आफुलाई प्रदान गरिएको जिम्मेवारी तथा पदिय दायित्वलाई ईमान्दार, बफादार, कर्तब्यनिष्ठ भइ उच्च ब्यावसायिक सुवबुझका साथ सम्पादन गर्ने क्रममा मिति २०८१/०८/१८ गते जिल्ला गोरखा बारपाक सुलिकोट गाउँपालिका वडा नं.१ बरपाक बस्ने महिलालाई कर्तब्य गरी मारी खाडल खनी पुरेको घ६नामा संलग्न ब्यक्तिलाइए पक्राउ गरी कानूनी दायमा ल्याउने कार्यमा प्रशंसनिय एवं नेतृत्वदायी भूमिका निर्वाह गरी प्रहरी संगठनको छवि उच्च राख्ने कार्य गरेको’ उल्लेख गरीएको छ ।
सोही सम्मान पत्रमा ‘उत्कृष्ट प्रहरी छनोट कार्यविधि २०८१’ बमोजिम २०८१ साल मंसिर महिनाको उत्कृष्ट प्रहरी घोषणा गरिएको छ’ समेत भनिएको छ ।
यस अघि पनि गोरखा प्रहरीले राम्रो काम गरेको भन्दै प्रहरी प्रधान कार्यालयबाट विभिन्न बिधामा सम्मान गरेको थियो ।