गोरखा । गोरखा बारपाककी सुचिना घलेको हत्या आरोपमा स्थानिय मनशम्जेर गुरुङलाई गोरखा प्रहरीले पक्राउ गरेको छ । पक्राउ परेका गुरुङले शारिरिक सम्बन्ध राख्ने प्रयास गर्दा महिलाले ईन्कार गरेपछी हत्या गरेको प्रहरीको प्रारम्भिक अनुसन्धानमा देखिएको जिल्ला प्रहरी कार्यालय गोरखाका प्रहरी उपरिक्षक बाशुदेव पाठकले जानकारी दिए ।
बारपाक सुलिकोट गाउँपालिका–१ बारपाक घर भएका ४२ बर्षका गुरुङले हत्या पूर्व नै महिला संग शारिरीक सम्र्पक गर्न भनेको र नमाने पछी जबरजस्ती गर्ने क्रममा महिलाले गुहार मागेपछी हत्या गरेको देखिएको पनि उनले जानकारी दिए ।
आरोपितले महिलाको मुखमा गोबर मिसिएको माटो र घाँस मुखमा हालेर हत्या गरेका पनि अनुन्धानबाट देखिएको प्रउ पाठकले बताए ।
सुचिनाको शव हत्या भएको स्थानभन्दा ५० मिटर माथी रुखको जरामा १ फिट जती गहिरो खाडल खनेर ढोकोमा राखेर स्याउला र माटोले पुरेको अवस्थामा फेला परेको थियो ।
गएको मंसिर १५ गते घरबाट उत्तर तर्फ रहेको जंगलमा घाँस लिन गएकी सुचिना सोहीदिन देखी सम्र्पक बिहीन भएकी थिइन । उनलाई प्रहरी र स्थानिय तथा उनका आफन्तले खोजबिन गर्दा मंसिर १८ गते दिउसो १ः३० बजे मैखर्क जंगलमा हत्या गरी खाड्लमा पुरेर राखेको अवस्थामा फेला पारीएको जिल्ला प्रहरी कार्यालय गोरखाका प्रहरी नायब उपरिक्षक तथा सूचना अधिकारी ईन्द्रप्रसाद सुवेदीले जानकारी दिए ।
उनका अनुसार घटना स्थलमा हत्या आरोपिले घटना पछी छाडेको उनीको टोपी र कम्ब्याड ड्रेसको क्यापका आधारमा पहिचान गरी नियन्त्रणमा लिइएको थियो ।
घटनामा अन्य ब्यत्तीहरुको पनि संलग्नता भए नभएको बारेमा अनुसन्धान जारी रहेको पनि सूचना अधिकारी सुवेदीले जानकारी दिए ।
बारपाककै एक निजी स्कुलमा शिक्षक समेत रहेका गुरुङले घटना पछी २ पटकसम्म आत्माहत्या गर्ने प्रयास गरेको र तेस्रो पटक आत्माहत्या गनुपूर्व उनले हातैले लेखेको पत्र समेत प्रहरीले उनकै घरबाट बरामद गरेको छ ।
मृत्तक सुचिनाको राजधानीको टिचिङ अस्पतालमा भएको फरेन्सिक ल्याबको रिर्पोट अनुसार बलात्कार भएको पुष्टी नभएको पनि प्रहरीले पत्रकार सम्मेलनमा जानकारी गराएको थियो ।
आरोपितलाई आज एक कार्यक्रम बिच जिल्ला प्रहरी कार्यालय भित्रै सार्वजनिक गरिएको हो ।