गोरखा । जिल्ला एथ्लेटिक्स संघ गोरखाको अघ्यक्षमा राजकुमार श्रेष्ठ चयन भएका छन् । सदरमुकाममा भएको एक भेलाले श्रेष्ठको अघ्यक्षतामा ११ सदस्यीय समितिको चयन गरेको हो ।
जसको उपाध्यक्ष द्धयमा इन्दिरा कुमारी धमला र दलबहादुर थापा, सचिवमा केशवराज रेग्मी र कोषाध्यक्षमा युवकुमारी श्रेष्ठ चयन भएका छन् ।
भेलाले सदस्यहरू रविन आचार्य, नेत्रबहादुर निरौला, राजु गुरूङ र रविन रानामगरलाई चयन गरेको छ ।
त्यस्तैगरी, मनोनित सदस्यमा प्रकास पनेरू र वर्षा ढकाललाइ चयन गरीएको छ ।
जिल्ला खेलकुद विकास समितिका सदस्य रोशन वानियाँ को अध्यक्षतामा भएको भेलामा गण्डकी प्रदेश एथ्लेटिक्स संघको महासचिव मनवहादुर थापा, जिल्ला खेलकुद विकास समितिका कार्यालय प्रमुख सरोज थापा, गोरखा नगर शिक्षा शाखा प्रमुख चन्द्रबहादुर खड्काको उपस्थिति रहेको थियो ।
जिल्ला भित्रका ८ वटा पालिकाबाट प्रतिनिधित्व गर्दै ३७ प्रतिनिधीहरूको रोहवरमा ११ सदस्यीय जिल्ला एथ्लेटिक्स संघ गोरखाको गठन भएको रोशन बानियाँले बताए ।