प्रतिकात्मक तस्बिर
गोरखा । अन्तरजातीय विवाह गर्ने १९ जोडीलाई गोरखाको भीमसेन थापा गाउँपालिकाले एक कार्यक्रम बिच सम्मान गरेको छ ।
पालिका भित्र जातीय छुवाछुत र भेदभावको पूर्णरुपमा अन्त्य गदै अन्तरजातीय विवाहलाई प्रोत्साहन गर्न दलित र गैह्रदलित विच विवाह भएका जोडीलाई सम्मान गरीएको हाे ।
कानुनले जातीय विभेदलाई पूर्णरुपमा बर्जित गरेको भएपनि समाजमा अझै पनि दलित र गैह्रदलित बिच भित्रभित्रै विभेद भएका घटना सार्वजनिक भइरहेकाे बेला पालिकाले उनीहरुलाई एक कार्यक्रम बिच सम्मान गरेकाे पालिकाले जनाएकाे छ ।
पालिका भित्रका सवै वडामा दलित र गैह्रदलित विच विवाह भएका जोडीको विवरण संकलन गरेपछी उनीहरुलाई सम्मान गरिएको थियाे ।
दलित र गैह्रदलित विच विवाह भएका दम्पतीको आर्थिक अवस्था हेरेर उनिहरुलाई सिपमूलक तालिम उपलब्ध गराउने योजना पनि पालिकाएले बनाएकाे छ ।
