गाेरखा । गाेरखाबाट नेपाली कांग्रेसमा संघिय सांसद बनेका राजेन्द्र बजगाईंलाई आज (बुधबार) साँझसम्म लिखित स्पष्टीकरण बुझाउन पार्टी कार्यालयले निर्देशन दिएको छ ।
बजगाईले आफ्नै पार्टीका संस्कृति, पर्यटन तथा नागरिक उड्ड्यमन्त्री बद्री पाण्डेका बारेमा सामाजिक सञ्जालमा लेखेका र सार्वजनिक स्थानमा बोलेका विषयमा स्पष्टीकरण बुझाउन निर्देशन दिएको हो ।
महामन्त्री विश्वप्रकाश शर्मा र अनुशासन समितिका संयोजक आनन्द ढु्ंगानाले पार्टी केन्द्रीय कार्यालयमा बोलाएर मंगलबार मौखिक स्पष्टीकरण लिए पछी उनलाई बुधबारसम्म लिखित स्पष्टीकरण बुझाउन निर्देशन दिएको नेपाली काँग्रेस केन्द्रिय कार्यालयले जनाएकाे छ ।
मन्त्री पाण्डेले गत साता बजगाईंलाई अनुशासनको कारबाहीको माग गर्दै पार्टीमा लिखित उजुरी दिएका थिए । मन्त्री पाण्डेले भैरहवामा क्यासिनोको लाइन्सेन्स दिने क्रममा मन्त्रीले कराेडाै घुस खाएको आरोप लगाएका थिए ।
आफ्नै दलको मन्त्रीका बारेमा प्रश्न उठाउँदा पार्टी केन्द्रीय कार्यालय, अनुशासन समिति लगायतमा नभनेर सार्वजनिक रुपमा बोल्नु अराजकता भएको भन्दै बजगाईंलाई सचेत बनाइएको पनि नेका केन्द्रिय कार्यालयले जनाएकाे छ ।