नेपाली काँग्रेसका तर्फबाट भाईकाजी श्रेष्ठले उम्मदवारी दर्ता गराउदै
गाेरखा । गोरखा नगरपालिका वडा नम्बर ५ मा हुन लागेकाे वडाघ्यक्षकाे निर्वाचनका लागी १० जनाले उमेद्वारी दर्ता गराएका छन् ।
निर्वाचन अधिकृतको कार्यालयमा मनोनयन दर्ताका क्रममा बिभिन्न १० वटा राजनीतिक दलले उमेद्वारी दर्ता गराएको मुख्य निर्वाचन अधिकृत शिववहादुर रानभाटले जानकारी दिए ।
वडाध्यक्ष पदको उपनिर्वाचनका लागि नेपाली काग्रेसबाट भाइकाजी आले, नेकपा एमालेबाट दुर्गामाया राना (थापा), नेपाल कम्युनिष्ट पार्टी (माओवादी केन्द्र) बाट विष्णुबहादुर रानामगरले उमदे्वारी दिएको उनले जानकारी दिए ।
त्यस्तैगरी, राष्ट्रिय प्रजातन्त्र पार्टीबाट कल्पना राना, नेपाल समाजवादी पार्टीका तर्फबाट रुपेश मग्राती, नेपाल कम्युनिष्ट पार्टी (एकिकृत समाजवादी) का तर्फबाट खड्कबहादुर भुजेल, मंगोल नेस्नल अर्गनाइजेसनबाट भवानी थापामगरको उमेद्वारी परेको मुख्य निर्वाचन अधिकृतकाे कार्यालयले जनाएकाे छ ।
नेकपा माओबादी केन्द्रले उम्मेदवारी दर्ताकाे लागी प्रतिक्षा गर्दै
वडाध्यक्ष पदका लागि राष्ट्रिय स्वतन्त्र पार्टी (रास्वपा) बाट मंगलबहादुर थापामगर, राष्ट्रिय प्रजातन्त्र पार्टी (नेपाल) बाट रुपसिंह राना र नेस्नल रिपब्लिक नेपालबाट सविना तामाङको उमेद्वारी परेको छ ।
गत २०७९ बैशाखमा सम्पन्न भएको स्थानीय तहको निर्वाचनमा नेकपा एमालेबाट वडाध्यक्षमा विजयी भएका खिलबहादुर रानाको निधन भएपछि यहाँ उपनिर्वाचन हुन लागेको हो ।
नेकपा एमालेबाट दुर्गामाया राना (थापा) उम्मेदवारी दर्ता गराउदै
कार्यालय आजै उमेद्वारको सूची सार्वजनिक गरेको छ । गण्डकी प्रदेशमा गोरखा नगरपालिका–५, मा मात्र उपनर्वाचन हुन लागेको हो । प्रदेशमै एक ठाउँमा मात्र हुन लागेको उपनिर्वाचनलाई सवैले चासोका रुपमा हेरेका छन् ।
यहीँ मङ्सिर १६ गते वडाध्यक्ष पदको उपनिर्वाचन हुन लागेकाे हाे ।
