पहिराेमा परी ज्यान गुमाएका धावाका मदन परियारकाे परिवारलाई चेक हस्तान्तरण गर्दे प्रजिअ
गोरखा । असोज ११ गते राती झ्याप्ले खोला पहिरोमा परेर ज्यान गुमाएका मध्य २ जनाको परिवारलाई जनही २ लाख ५० हजार राहत रकम हस्तान्तरण गरिएको छ ।
जिल्ला प्रशासन कार्यालयका प्रमुख जिल्ला अधिकारी भोला दाहाल सहितको टोलीले पिडित परिवारलाई आज उक्त रकम बरावरको चेक हस्तान्तरण गरेका हुन् ।
गोरखाको लापु बेशीबाट काठमाडौंका लागि गएको गोरखा दरौदी यातायात सेवा कम्पनी प्रालिको ना. ४ ख २२७० नम्बरको बस उक्त पहिरोमा पर्दा गोरखाका ५ जनाले ज्यान गुमाएका थिए ।
ज्यान गुमाएका मध्य बसका धनी तथा चालक भिमसेन थापा गाउँपालिका–४ धावाका मदन परियार र सोही सवारीका सहचालक गण्डकी गाउँपालिका–४ फुजेलका नवराज तिवारीको परिवारलाई जनही २ लाख ५० हजारका दरले राहत रकम उपलब्ध गराएको प्रमुख जिल्ला अधिकारी दाहालले बताए ।
उनका अनुसार उक्त रकम मध्य संघीय सरकार मार्फत २ लाख र प्रदेश सरकार मार्फत ५० हजार गरी २ लाख ५० हजार रुपैयाँ उपलब्ध गराएको हो ।
सोही घटनामा ज्यान गुमाएका धार्चे गाउँपालिका–७ खानिगाउँका चुकबहादुर गुरुङको परिवारलाई दसैं लगत्तै र अर्का नवराज पन्त र विनय भट्टराई बसाई सराई गरी चितवन गएकोले चितवन मार्फत रकम उपलब्ध हुने पनि प्रजिअ दाहालले जानकारी दिए ।
यस शहिद लखन गाउँपालिका–६ घैरुङस्थित अधेरीकी ७० वर्षीया बालकुमारी श्रेष्ठको परिवारलाई गएकाे शुक्रबार आर्थिक सहयोग प्रदान गरीएको थियाे ।
