गोरखा । गोरखाबाट काठमाडौं गएको बस सम्पर्क बिहीन भएको छ । गएको शुक्रबार बिहान राजधानीको लागि यात्रु सहित छुटेको बस सम्र्पक बिहीन भएको हो ।
शुक्रबार बिहान उत्तरी गोरखाको लापुबेशीबाट काठमाडौंका लागि छुटेको गोरखा दरौदी यातायात सेवा कम्पनी प्रालिको ना. ४ ख २२७० नम्बरको यात्रुबाहक बस सोही राती १० बजेदेखी सम्पर्क बिहीन भएको प्रालिका अध्यक्ष नारायण खत्रीले बताए ।
‘शुक्रबार राती १० बजेसम्म सम्र्पकमा थियो’ उनले भने ‘त्यती बेला नागढुङ्गाको उकालो जादै छौ भनेका थिए । त्यसपछी आजसम्म सम्पर्कमा आएको छैन ।’ उक्त बस गोरखाको लापुवेशीबाट शुक्रबार बिहान ७ बजे छुटेको थियो ।
चालक दल सहित ४ देखी ५ जना मुग्लिनसम्म पुगेको र मुग्लिनमा १ जना यात्रु झरेर चितवन गएको जानकारी प्राप्त भएको उनले जानकारी दिए । शुक्रबार रातीदेखी नै सम्पर्क बिहीन भएको उक्त बसको खोजी भई रहेको पनि उनले बताए ।
मुग्लिनबाट नागढुङ्गाको उकालोसम्म पुग्दा बसमा कती यात्रु थिए र उनीको अवस्था के भएको भन्ने बारेमा अहिलेसम्म पनि जानकारी नपाए पछी चारै तिर खोजी गरिएको पनि अध्यक्ष खत्रीले जानकारी दिए ।
उक्त बसमा उत्तरी क्षेत्रका एक ब्यापारीले केही भेडाहरु समेत राजधानी लगेको खुल्न आएको छ । बसमा सवार ब्यत्तीका आफन्त सम्र्पकमा आएको भएता पनि चालक दलका कोही पनि सम्पर्कमा नआएपछी सुुरक्षा निकायमा जानकारी गराईएको पनि कार्यालय प्रमुख एकराज उपाध्यायले जानकारी दिए ।
बस झ्यापे खोला पहिरोमा परेको अनुमान गरिएको छ । प्रालिे आज सामाजिक सञ्जालमा सूचना जारी गर्दै सबैलाई बस खोजीको लागि अनुरोध गरेको छ ।
बसका चालक एवं सवारी धनी मदन परियार र यात्रु धार्चे गाउँपालिका–७ खानी गाउँका चुके गुरुङको पहिचान खुलेता पनि अन्यको नाम भने खुल्न सकेको छैन ।
खोजी तिब्र बनाएका छौ : प्रजिअ दाहाल
यता बस सम्पर्क बिहीन भएको बारेमा प्रालिले जानकारी दिए लगत्तै प्रमुख जिल्ला अधिकारी भोला दाहालले माथिल्लो सुरक्षा निकायमा त्यसको जानकारी गराएको र खोजीलाई तिब्र पारीएको बताए ।
खानी खोलाको उकालोसम्म सम्पर्कमा रहेको र झ्यापे खोला वरपरबाट हराएको जानकारी आएको बताउदै प्रजिअ दाहालले धादिङ र काठमाडौंको सुरक्षा निकायमा पनि जानकारी गराएको बताए ।
लामो समयसम्म बस र त्यसका चालक दल सम्पर्कमा नआएको भन्दै प्रालिले उक्त बस भेटाउने तथा देख्नेहरुले अध्यक्ष नारायण खत्री ९८५६०४०७७०, कार्यालय प्रमुख एकराज उपाध्याय ९८५६०४०१९४, काठमाडौं काउन्टर बिण्णु दानी ९८५१०५५७५२ वा गोरखा काउन्टर जीवन बस्नेत ९८०६५४६६१५ मा खबर गरीदिन अनुरोध गरेको छ ।
