गोरखा । गोरखा सदरमुकाममा निर्माणाधिन भवनको लागि ५ जनाले २५ लाखभन्दा बढी आर्थिक सहयोग उपलब्ध गराएको छ ।
गएको शनिबार राजधानीको रानीबन क्षेत्रम भएको ‘मिट एण्ड ग्रिट’ कार्यक्रममा ५ जनाले जनही ५ लाख ११ हजार १११ रुपैयाँका दरले सहयोग उपलब्ध गराएको हो ।
गोरखा नगरपालिका–८ को खोलकोले क्षेत्रमा निर्माधिन भवनको ५ वटा कोठाको लागि गोरखा जिल्ला घर भएर राजधानीको विभिन्न स्थानमा बस्दै आएका बावुराम अधिकारी र ईन्द्रकुमारी अधिकारी, जोगेनबावु श्रेष्ठका दाजुभाई, हरीबावु मास्के तथा परिवार र सृजना सिंह तथा उनको परिवार एवं काँभ्रेको धुलिखेल निवासी हरीगोपाल सञ्जितकारको तर्फबाट २५ लाख ५५ हजार ५५५ रुपैयाँ सहयोग उपलब्ध गराएको मानव सेवा आश्रमका अध्यक्ष रामजी अधिकारीले बताए ।
अधिकारीका अनुसार भवन निर्माण संगै अब उनीको नाममा ५ वटा कोठाको नामाकरण हुने छ ।
आश्रमले भवन निर्माण गनुपूर्व नै ५ लाख ११ हजार १११ रुपैयाँ आर्थिक सहयोग उपलब्ध गराउने ब्यत्ती तथा संस्था वा सरकारी कार्यालयको नाममा कोठाको नामाकरण गर्ने गरी कार्यबिधी तयार पारेको निर्माण समितिका संयोजक ईश्वरकाजी मास्केले बताए ।
संयोजक मास्केका अनुसार यस अधि पनि केही पालिका तथा ब्यत्तीले जनही ५ लाख ११ हजार १११ रुपैयाँ उपलब्ध गराएसकेको छन् ।
भवन निर्माणमा आर्थिक अभाव भएकोभन्दै आश्रमले ‘मिट एण्ड ग्रिट’ कार्यक्रम सञ्चालन गर्दै आएको छ । सोही प्रकृतीको कार्यक्रम केही महिना भित्रै गोरखा सदरमुकाममा समेत सञ्चालन गरीने उनले बताए ।
हाल गोरखा नगरपालिका–६ को तिनधारेमा रहेको भाँडाको भवनबाट आउदो चैत्र पहिलो साता नयाँ भवनमा सर्ने तयारी गरी रहेको पनि आश्रमले जानाकारी दिएको छ ।