गोरखा । संविधान दिवस तथा राष्ट्रिय दिवसको अवशरमा आज गोरखा सदरमुकाममा रक्तदान कार्यक्रम सम्पन्न भएको छ । सदरमुकामको रेडक्रस भवन परिषरमा रक्तदान कार्यक्रम सम्पन्न भएको हो ।

नेपाल रेडक्रस सोसाईटी जिल्ला शाखा गोरखा र सन नेपाल लाइफ इन्स्योरेन्सको संयुत्त आयोजना तथा रक्त संञ्चार केन्द्र गोरखाको प्राविधिक सहयोगमा रक्तदान भएको रेडक्रसका सभापति भिमसेनकाजी बानियाँले बताए ।

उनका अनुसार उक्त कार्यक्रममा १९ जनाले रक्तदान गरेका थिए । संकलित सबै रगत रक्त संञ्चार केन्द्र गोरखालाई हस्तान्तरण गरिएको छ ।

५ महिला र १४ जना पुरुषले रक्तदान गरेको सभापति बानियाँले जानकारी दिए ।

रक्तदान पूर्व जिल्ला प्रशासन कार्यालय गोरखाबाट सुरु भएको ¥र्यालीले कालिमाटी बजार, शक्तिचोक, बैंक रोड, पुरानो बसपार्क, पदेली, ठुलो आँगन, खोपीधारा, गणेश पाटन, पाटेचौर, गोरखा अस्पताल हुदै लोकतान्त्रिक चोकमा आएर समापन गरिएको थियो ।

रक्तदानमा प्रमुख जिल्ला अधिकारी भोला दाहाल सहित राष्ट्र सेवक कर्मचारी, ईन्स्योरेन्सका कर्मचारीहरु र सर्व साधारणको सहभागिता रहेको थियो ।

लेखकबाट थप:

• कांग्रेसका बरिष्ठ नेता श्रेष्ठको निधन
• सुन तोलामा ४३ सयले घट्याे
• साहित्य र चलचित्रका २ साधकलाई ‘दाहाल यज्ञनिधि पुरस्कार’
• असार मसान्तसम्म खपत भएको बिजुलीमा भ्याट नलाग्ने
• नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर