गोरखा । गोरखा प्रहरीले सदगदको लागि घाटमा पुर्याएको मृत लाश नियन्त्रणमा लिएको छ । आवश्यक कानूनी प्रकृया पुरा नगरको भन्दै शव नियन्त्रणमा लिएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी रमेशकुमार श्रेष्ठले जानकारी दिए ।
उनका अनुसार भाद्र २४ गते सोमबार पालुङटार नगरपालिका–५ को मस्यार्ङदी नदी किनारमा सदगत गर्न लागेको दाङ जिल्ला, घोराही उप महानगर पालिका–८ देउपुर घर भई विगत २ बर्ष देखि पालुङटार नगरपालिका–५ को बेलटार स्थित जितबहादुर तामाङको ईट्टा भट्टामा काम गरी बस्ने बर्ष ५० की कल्पना बुढा मगरको शव नियन्त्रणमा लिएको हो ।
भाद्र २४ गते बिहान ११ बजेको समयमा सदगद गर्न लागेको बेला प्रहरीले शव नियन्त्रणमा लिएको सूचना अधिकारी श्रेष्ठले बताए । अचानक बिरामी परेका उनको भाद्र २३ गते तनहुँ जिल्लाको तुरतुरे स्थित गोरखा पोलिक्लिनिक सामुदायिक अस्पतालमा उपचार गरी राती ११ बजेको समयमा अस्पतालबाट डिस्चार्ज भएका थिए । उनको डेरामा भोली पल्ट बिहान भाद्र २४ गते बिहान ४ बजे मृत्यु भएको स्थानियलाई उदृत गदै गोरखा प्रहरीले जानकारी दिएको छ ।
इलाका प्रहरी कार्यालय ठाँटीपोखरीबाट खटिइको अनुसन्धान टोलीले घाटमा पुगी मुचुल्का लगायतको प्रारम्भिक अनुसन्धान कार्य सम्पन्न गरी मृतको शव पोष्टमार्टमको लागि गोरखा अस्पताल पठाएको थियो ।
शवको पोष्टमार्टम पश्चात आफन्तको जिम्मा लगाईएको गोरखा प्रहरीले जानकारी दिएको छ । उक्त घटनाको अनुसन्धान सुरु गरिएको पनि सूचना अधिकारी श्रेष्ठले बताए ।