गोरखा । गोरखा सदरमुकाम क्षेत्रमा फेला परेको .बयस्क चितुवाको उद्वारमा ढिलाई हुदा मृत्यु भएको छ । गोरखा नगरपालिका–१०, स्थित बिरिन्चोक बजार नजिकै रहेको पानी टंकी छेवैमा हिजो दिउँसो फेला फेला परेको चितुवाको मृत्यु भएको डिभिजन बन कार्यालय गोरखाका प्रमुख मदनमोहन शालिण्यले बताए ।
‘स्थानियले हिजो दिउसो चितुवा फेला परेको बारेमा जानकारी दिनु भएको थियो’ उनले भने ‘हिजो दिनभरी उद्वार गर्न सकिएन । आज बिहान मृत्त अवस्थामा देखियो ।’ हिजो दिउसो खोल्सीको झाँडीमा देखिएको चितुवाको बिहीबार बिहान ८ः३० बजे मृत्यु भएको उनले जानकारी दिए ।
बुधबार दिउसाे घाईते अवस्थामा देखिएकाे चितुवा
मृत्त चितुवा अहिले डिभिजन कार्यालयमा ल्याएर राखिएको छ । भेटेरिनरी अस्पतालबाट चिकित्सको टोलीले चितुवाको पोष्टमार्टम गरे लगत्तै कार्यालय परिषर भित्रै शव ब्यवस्थापन गर्ने तयारी समेत कार्यालयले गरेको छ । शव ब्यवस्थापनका लागि निकुन्जको टोली समेत संलग्न हुने छन् ।
चितुवालाई बुधबार नै उद्वार गर्ने कोशिस गरिएको भएता पनि समय अभावका कारण पोखराबाट आउनुपर्ने टोली आउन ढिला हुदा बयस्क चितुवाको मृत्यु भएको थियो ।
बिहीबार बिहान मृत्त अवस्थामा फेला परेकाे चितुवा
मृत्तक चितुवाको शरिरको कुनै पनि भागमा चोट पटक नदेखिएको कार्यालय प्रमुख शालिण्यले बताए । उनका अनुसार चितुवाले बिष खाएको वा अस्वस्थ्य मध्ये कुनै एक हुन सक्ने अनुमान लगाए ।