गोरखा । गोरखा सदरमुकाममा आज नगर प्रमुख र प्रमुख जिल्ला अधिकारीले संयुत्त रुपमा रक्षा बन्धनको अनावरण गरेका छन् ।
ब्रह्मा कुमारी ईश्वरीय विश्व बिद्यालय मान्उट आँबु राजस्थान, भारतबाट प्राप्त रक्षा बन्धन गोरखा नगरपालिकाका प्रमुख कृण्णबहादुर राना मगर र जिल्ला प्रशासन कार्यालयका प्रमुख जिल्ला अधिकारी भोला दाहालले संयुत्त रुपमा अनावरण गरेका हुन् ।
गोरखा नगरपालिका–६ को कालिमाटी बजारमा रहेको ब्रह्मा कुमारी ईश्वरीय विश्व बिद्यालयको शाखा कार्यालयमा सोमबार बिहान भएको अनावरण कार्यक्रममा बोल्दै नगर प्रमुख राना मगरले मानविय क्रियाकलापका कारण विश्वभर आशान्ति फैलिएको भन्दै अहिले सबै तिर शान्तिको आवश्यकता रहेको बताए ।
उनले शान्ति विश्व शान्तिकालागि व्रह्मा कुमारी ईश्वरीय विश्व बिद्यालय जस्ता धार्मिक संस्थाबाट संभव भएको समेत बताए ।
कार्यक्रममा बोल्दै प्रमुख जिल्ला अधिकारी भोला दाहालले हामीले हाम्रो संस्कृती मनाउदा संस्कार अनुसार मनाउनु पर्ने भन्दै पर्वको मर्म अनुसार पर्वहरु मनाउनु पर्नेमा जोड दिए ।
उनले रक्षा बन्धनले चरित्र र चित्त शुद्व गर्नुका साथै पबित्र सम्वन्ध समेत बिस्तार हुने बताए । रक्षा बन्धनले समाजमा शान्ति, सदभाव, आत्मियता र सबैमा भाइचारको सम्वन्ध कायम हुनेहुनाले सबैले चरित्र र चित्त शुद्व गराएर गोरखाको शान्ति, समृद्वि र विकास तर्फ लाग्न सक्ने प्रेरणा मिलोस भन्दै शुभकामना ब्यत्त गरे ।
कार्यक्रममा गोरखा नगरपालिकामा पूर्व मेयर राजनराज पन्त, जेष्ठ नागरिक संघ गोरखाका अध्यक्ष एवं केन्द्रिय सदस्य मोहनलाल श्रेष्ठ, गोरखा उद्योग बाणिज्य संघका पूर्व अध्यक्ष अच्यूतलाल श्रेष्ठ, जिल्ला प्रहरी कार्यालय गोरखाका प्रहरी उपरिक्षक बासुदेव पाठक, निर्माण ब्यवसायी महासंघ गोरखाका पूर्व अध्यक्ष एवं सामुदायिक सेवा केन्द्र गोरखाका उपाध्यक्ष बावुराम श्रेष्ठ, नेपाली काँग्रेस गोरखा नगर सभापती चन्दनबावु खत्री, शान्ति समाज नेपालका केन्द्रिय सचिव एवं गोरखाका पूर्व अध्यक्ष सिताराम तिवारी र रोटरी क्लब अफ बज्र मनासलुका पूर्व अध्यक्ष शिशुबाव प्रधान (शिशिर) तथा अन्य सर्व साधारणहरुको उपस्थिती रहेको थियो ।
शाखाले आजै मानव सेवा आश्रम र गोरखा कारागारमा समेत रक्षा बन्धन कार्यक्रम सम्पन्न गरेको छ । शाखाले दिएको जानकारी अनुसार मध्यान्नसम्मा १ हजार ५०० जनाले रक्षा बन्धन गरी सकेको छ ।
