गोरखा । सामाजिक काममा सक्रिय रहेको युवाहरुको समूह ‘दारी ग्याँङ’ गोरखाको अध्यक्षमा रामकुमार खड्का चयन भएका छन् । शनिबार गोरखा सदरमुकाममा भएको भेलाले खड्कालाई अध्यक्षमा सर्व सम्मत रुपमा चयन गरेको हो ।
सोही भेलाले सचिवमा कुमार ढकाल र कोषाध्यक्षमा रबिन श्रेष्ठलाई सर्व सम्मत रुपमा चयन गरेको निर्वतमान अध्यक्ष एवं केन्द्रिय सदस्य सुमन कार्कीले जानकारी दिए । भेलाले अहिले अध्यक्ष, सचिव र कोषाध्यक्षको चयन गरेको र आगमी बैठकले जिल्ला कार्य समितिको चयन गरी पूर्णता दिने पनि उनल जानकारी दिए ।
आउदो शनिबार अर्थात साउन १९ गते हुने बैठकले उपाध्यक्ष सहित बाँकी सदस्यहरुको चयन गर्ने अध्यक्ष रामकुमार खड्काले बताए । उनले दारी ग्याँङ गोरखामा आबद्व हुने चाहने युवाहरुले सम्र्पक गरी सदस्यता लिन सक्ने पनि जानकारी दिए ।
२०७६ जेठ ४ गते स्थापना भएको दारी ग्याँङ गोरखाले बिगतमा सरसफाई, शिक्षा क्षेत्रमा बक्तृत्व कला तथा स्वास्थ्य क्षेत्रमा क्यान्सर र मृगौला पिडितलाई आर्थिक सहयोगका साथै रक्त संञ्चार केन्द्रलाई रगत आवश्यक परेको बेला रक्तदान गर्दै आएको छ ।