गोरखा । भानु जयन्तीको अवसरमा अन्तर मावि स्तरीय बक्तृत्वकला प्रतियोगिता हुने भएको छ । २११औं भानु जयन्तीको अवसरमा ग्लोबल गोरखा समाजले प्रतियोगिताको आयोजना गरेको हो ।
‘राष्ट्र निर्माणमा गोरखाको योगदान, बिगतदेी वर्तमान’ बिषयमा प्रतियोगिताको आयोजना गरेको समाजले जनाएको छ । असार २९ गते शनिबार गोरखा सदरमुकाममा हुने प्रतियोगितामा कक्षा ९ देखी १२ सम्म अध्ययनरत बिद्यार्थीहरुले सहभागिता जनाउन पाउनेछन् ।
प्रतियोगितामा प्रत्येक पालिकाबाट २ जना बिद्यार्थीहरुले सहभागिता जनाउन पाउने आयोजक ग्लोबल गोरखा समाजले जानकारी दिएको छ । बिद्यार्थीहरुले आफ्नो प्रस्तुती ८ मिनेट भित्रै सक्नु पर्ने पनि आयोजकले जनाएको छ ।
प्रतियोगिता बिजयी हुने बिद्यालयलाई शिल्डका साथै बिद्यार्थीहरुलाई क्रमश.प्रथम, द्वितिय, तृतिय र सान्त्वना हुनेहरुलाई ५० हजार, ३५ हजार, २० हजार र १० हजार नगद सहित प्रमाण–पत्र र मेडल प्रदान गरिने बक्तृत्वकला प्रतियोगिता ब्यवस्थापन समितिका संयोजक यदु लामिछानेले बताए ।
