काठमाडौं । नेपाली बजारमा सुनको मूल्य अहिलेसम्मकै उच्च भएको छ । नयाँ रेकर्ड बनाउदै साताको पाँचौ दिन बिहीबार प्रतितोला १ लाख २७ हजार ८०० रुपैयाँ कायम भएको नेपाल सुनचाँदी ब्यवसायी महासंघले जनाएको छ ।
आज बजार खुल्नासाथ एकै दिन तोलामा २ हजार ६०० रुपैयाँ बढेपछि सुनको मुल्य नेपाली ईतिहासमा हालसम्मकै उच्च भएको हो । बुधबार नेपाली बजारमा सुनको मुल्य प्रतितोला १ लाख २५ हजार २०० रुपैयाँमा कारोबार भएको थियो ।
चाँदीको मूल्य पनि हालसम्मकै उच्च भएको छ । बुधबार प्रतितोला १ हजार ५२० रुपैयाँ रहेको चाँदी बिहीबार तोलामा ३५ रुपैयाँले बढेर १ हजार ५५५ कायम भएको महासंघले जनाएको छ ।
