काठमाडौं । साताको दोस्रो दिन आज सुनचाँदीको भाउ घटेको छ । अघिल्लो साताको बिहीवारदेखि हिजो (आइतबार)सम्म तोलाको १ लाख १९ हजार ५०० रुपैयाँमा कारोबार भएको सुनको भाउ सोमबार ४ दिनपछि घटबढ भएको हो ।
सोमबार सुनको तोलामा ७०० रुपैयाँले घटेर १ लाख १८ हजार ८०० रुपैयाँमा कारोबार भइरहेको नेपाल सुनचाँदी ब्यवसायी महासंघले जनाएको छ ।
यस्तै, चाँदीको भाउ आज तोलामा ५ रुपैयाँ घटेको छ । यसअघि तोलाको १ हजार ४२० रुपैयाँ रहेको चाँदी आज १ हजार ४१५ रुपैयाँमा कारोबार भइरहेको महासंघले जानकारी दिएको छ ।
