काठमाडौं । नेपाली बजारमा सुनको भाउले अहिलेसम्मकै उच्च भएको छ । आज सुनको भाउ तोलाको १ लाख २२ हजार रुपैयाँ कायम भएको नेपाल सुनचाँदी व्यवसायी महासङ्घले जनाएको छ । यो अहिलेसम्मकै उच्च रेकर्ड हो ।
बुधबार सुन तोलाको १ लाख २० हजार ७०० रुपैयाँमा कारोबार भएको थियो । आज तोलामै १ हजार ३०० रुपैयाँ बढेको हो ।
यस्तैगरी, चाँदीको भाउ पनि आज तोलामा १५ रुपैयाँले बढेको छ । हिजो तोलाको १ हजार ४७५ रुपैयाँमा कारोबार भएको चाँदीको भाउ आज १ हजार ४९० रुपैयाँ तोकिएको छ ।