एक सरकारी अस्पतालकी स्टाफ नर्सले सामाजिक सञ्जालमा एक भिडियो सार्वजनिक गर्दै अस्पतालमाथि गम्भिर आरोप लगाएकी छिन् । घटना भारतको गुरुग्राम क्षेत्रको हो । कोरोना संक्रमित समेत भएकी तीन नर्सले गुरु ग्रामको जिल्ला स्वास्थ्य विभागको कार्यशैलीप्रति गम्भिर आरोप लगाएकी हुन् ।
कोरोना संक्रमितको उपचार गर्दा गर्दै आफूहरु संक्रमित भएकी ती महिलाले अस्पतालले आफूलाई एम्बुलेन्स समेत उपलब्ध नगराएको आरोप लगाएकी छिन् । यतिबेला ती नर्स गुरुग्रामको ईएसआईसी अस्पतालको कोरोना विशेष वार्डमा भर्ना भएकी छिन् । उनले भिडियोमा भनेकी छन्, मेरो कोरोना रिर्पोट पोजेटिभ आइसकेपछि मलाई एम्बुलेन्स समेत दिइएन् ।
जुन किसिमको सुविधा मैले पाउनु पर्ने हो त्यो पनि मलाई दिइएको छैन् । उनले भिडियो मार्फत मुख्यमन्त्री मनोहर लाल खट्टरका साथसाथ प्रदेशका गृहमन्त्री एवम स्वास्थ्यमन्त्री अनिल विजसँग घटनाका बारेमा जानकारी लिन पनि आग्रह गरेकी छिन् । यता कोरोना अस्पतालका नोडल अधिकारी डाक्टर अनिल गुप्ताले भने नर्स इमोशनल भएर उक्त भिडियो सार्वजनिक गरेको बताएका छन् । उक्त भिडियोका कारण आफू निकै दुखी भएको पनि उनले बताएका भारतीय सञ्चारमाध्यम भारतीय सञ्चारमाध्यमले जनाएको छ ।
