गोरखा समाचारदाता
काठमाण्डौं – टोकियो ओलम्पिक आयोजक कमिटिले आगामी बर्षपनि खेल आयोजना गर्न नसके रद्द गरिने जनाएको छ ।
टोकियो ओलम्पिक आयोजक कमिटिका अध्यक्ष योशिरो मोरीले सन् २०२१ मा समेत आयोजना गर्न नसकिए प्रतियोगिता रद्द हुने बताएका हुन ।
कोरोना भाईरसको कारण खेल एक वर्ष स्थगित गरिएको छ । महामारी कायमै रहेमा प्रतियोगिता नसर्ने तर स्थगित हुने मोरीको भनाइ छ । उनले कोरोनालाई जितेर ओलम्पिकको आयोजना गर्न जापान सफल हुनेमा विश्वास भने ब्यक्त गरेका छन ।
विश्व खेलकुदको कुम्भमेला ओलम्पिक सन् २०२१ को जुलाई २३ देखि अगस्ट ८ सम्म जापानमा हुने तय गरिएको छ । जुलाई २४ देखि अगस्ट ९ सम्म हुने तय भएको खेल एकबर्षपछि सारिएको हो ।
खेल सरेपनि प्रतियोगिताको नाम ’टोकियो ओलम्पिक गेम्स २०२०’ नै रहने सहमति गरिएको छ ।