बलिउड अभिनेता अक्षय कुमारले कोरोना भाइरसको लकडाउनबाट प्रभावित मानिसहरुलाई सहयोग गरिरहेका छन् । प्रधानमन्त्री केयर्स फण्डमा र बीएमसीमा योगदान दिएपछि अहिले उनी मुम्बईको गेएटी ग्यालेक्सी सिनेमा हलको सहायताका लागि अगाडि बढेका छन् । यो सिनेमा हलले आफ्ना कर्मचारीको तलब दिनका लागि संघर्ष गरिरहेको छ ।
एउटा समाचारमा जनाइए अनुसार अक्षय कुमारले उक्त सिनेमा हलको मालिक मनोज देसाईलाई आर्थिक सहयोगका लागि प्रस्ताव गरेका छन्, जसबाट उनले आफ्ना कर्मचारीलाई तलब खुवाउन सकुन् । हल मालिक मनोज देसाईलाई आफ्ना कर्मचारीहरुलाई तलब दिनका लागि बैंकबाट लोन लिन पर्यो । उक्त खबर पढेपछि अक्षयले उनलाई कल गरे ।
देसाईको भनाईलाई आधार मानेर लेखिएको समाचारमा भनिएको छ । ‘तीन दिन पहिला अक्षयजी कहाँबाट मलाई कल आएको थियो । उहाँले मलाई आर्थिक सहयोगको प्रस्ताव गर्नु भयो । यदि स्थिति सुर्धिएन भने म उहाँसंग आर्थिक सहयोग लिन सक्छु ।’
देसाई अगाडि भन्छन् – ‘यो अक्षयको दयालुपना हो, जसले उहाँले हामीलाई सहयोगको अफर गर्नु भयो । तर आफुलाई बलियो बनाउनका लागि हामीले केही उपाय निकाल्नु पर्छ । हामीले यो माहिनाको तलब दिनका लागि पर्याप्त धन जुटाउन सफल भएका छौं । तर थिएटर बन्द हुनाले स्थिति सुधार्न लामो समय लागछ । हामी आफ्ना कर्मचारीहरु कटौति पनि गर्दैनौं र उनीहरुको भुक्तानी पनि कटाउन चाहँदैनौं भन्ने कुरामा हाम्रो मुख्य ध्यान रहेको छ ।’
