कोरोना भाइरसको संक्रमण बढेपछि भारतले पनि लकडाउनको समय बढाएको छ । भारत सरकारले यो क्रममा केही कुराहरुका लागि छुट दिइएको छ, जसमा फूड डेलिभरी पनि एक हो । यस्तो स्थितिमा डेलिभरी ब्वाइहरुबाट कोरोना भाइरस फैलने खतरा हुँदैन ? दिल्लीमा एउटा यस्तै घटना घटेको छ ।
पिज्जा डेलिभरी गर्ने एक जना कर्मचारीमा कोभिड–१९ पोजेटिभ पाइएको छ । उनको टेस्ट पोजेटिभ आउनासाथ धेरैमा हलचल मच्चिएको छ । ती डेलीभरी ब्वाइसंग जस–जसले अर्डर गरेका थिए, तिनीहरुको वितृत विवरण निकालिएको छ ।
अहिले साउथ दिल्लीको ७२ वटा घरहरुमा बसेका मानिसहरुलाई क्वारेन्टिनमा राखिएको छ । उनीसंग काम गर्ने १७ जना अरु डेलभरी ब्वाइहरुलाई इन्स्टिच्यूशन क्वारेन्टिनमा राखिएको छ । । प्रशासनले ती ७२ घरहरुमा बस्ने मानिसहरुको क्वारेन्टनमा बस्न भने पनि अहिलेसम्म कसैको पनि टेस्ट भने गरेको छैन ।
यदि कसैमा लक्षण देखियो भने उसको टेस्ट गरिने भएको छ । यसबाहेक ती डेलीभरी ब्वाइले ७२ घरहरु बाहेक अरु कोहि संग सम्पर्क गरेका थिए कि थिएनन भन्ने पनि पत्ता लगाउने कोशिश भैरहेको छ । ती डेलिभरी ब्वाइको रिपोर्ट अनुसार उनी पछिल्लो हप्तासम्म ड्यूटीमा थिए । पछिल्लो हप्ता मात्र उनमा कोरोनाको लक्षण देखिन थालेकाले टेस्ट गरियो र रिपोर्ट पोजेटिव आयो ।
अधिकारीहरुका अनुसार उनी डायलिसिस गर्नका लागि अस्पताल गएका थिए । अस्पतालबाट नै उनमा कोरोनासंक्रमण भएको अनुमान रहेको छ लकडाउनका क्रममा खाद्यान्नका लागि होम डेलिभरीका लागि छुट दिइएको छ । डेलिभरी ब्वाए संक्रमित हुनाले धेरै घरमा संक्रमणको खतरा बढेको छ । त्यसैले यदि घरमा नै केहि मगाउने हो भने सावधानीपूर्वक अर्डर गर्नु पर्छ ।
