कोरोना भाइरसको सन्त्रासका कारण यतिबेला नेपालका अधिकांश जनता घरभित्रै नजरबन्द हुनुपरेको छ । यो भाइरसको संक्रमण फैलिन नदिन सरकारले बैशाख १५ गतेसम्मलाई लकडाउन गरेपछि विरलै घरमा बस्न पाएका कलाकारहरु पनि अहिले परिवारसँग समय विताइरहेका छन् । कति नजानेको खानेकुरा पकाउन सिकिरहेका छन् भने कति गाउँ फर्केर खेतीपातीमा रमाइरहेका छन् ।

अभिनेता आर्यन सिग्देल पनि अहिले आफ्नो जन्मघरमा छन् । लामो समयदेखि काठमाडौंको लाजिम्पाटमा बस्दै आएका उनी श्रीमती र काखे छोरासहित लकडाउनपछि थानकोट फर्किएका हुन् । त्यहाँ उनको आमा-बुबा बस्ने गर्दछन् । उनी अब स्थिति सामान्य भएपछि मात्र काठमाडौं फर्किने सोचमा छन् । लकडाउनको समय उनले खेतमा काम गरेर सदुपयोग गरिरहेका छन् ।

गत वर्ष ‘हजार जुनीसम्म’ र ‘चच हुईं’ फिल्ममार्फत् दर्शकसँग साक्षात्कार गरेका उनले बिहीवार आफ्नो आधिकारिक इन्स्टाग्राममा आमासँग खेतमा काम गर्दै गरेको तस्विर साझेदार गरेका छन् । उनी कुटोले तरकारी रोप्नका लागि खेत खन्दै गरेको देख्न सकिन्छ । छेवैमा उनकी आमा छिन् । अभिनेता आर्यनले खेतमा काम गर्दै गरेको तस्विरलाई उनका प्रशंसकले प्रेरणादायक भनेका छन् ।

https://www.instagram.com/p/B_Bv2Rlgr32/?utm_source=ig_web_copy_link

लेखकबाट थप:

• २०८४ मा हुने एसईई परीक्षाकाे आवेदन खुल्ला
• भारतमा आएकाे चक्रबात नेपालमा पनि प्रवेश गर्न सक्ने भएपछी स्वास्थ्य क्षेत्रका सबैलाई उच्च सतर्कतामा रहन निर्देशन
• पार्टीकाे जिम्मेवारी सम्हालेका ३ सरकारी कर्मचारीलाई कारबाही सिफारिस
• सुन र चाँदी दुवैकाे मूल्य बढ्याे
• तेस्रो संस्करणको नेपाल प्रिमियर लिग : पोखरा एभेन्जर्स र सुदूरपश्चिम रोयल्स खेल्दै