गोरखा समाचारदाता
काठमाण्डौं – विश्वव्यापी रुपमा फैलिएको कोरोना भाइरस संक्रमणबाट मृत्यु हुनेको संख्या १ लाख २० हजार ४ सय नाघेको छ भने १९ लाख ३४ हजारभन्दा बढी संक्रमित भएका छन् । ४ लाख ५६ हजारभन्दा बढी संक्रमित निको भएर घर फर्किएका छन् ।
सबैभन्दा बढी प्रभावित अमेरिकामा ५ लाख ८७ हजारभन्दा बढी संक्रमित भएका छन् । त्यहाँ ज्यान गुमाउनेको संख्या २३ हजार ६ सय नाघेको छ । अमेरिकामा संक्रमितमध्ये ३६ हजार ९ सयभन्दा बढी उपचारपछि घर फर्किएका छन् ।
कोरोनाका कारण इटालीमा २० हजार ४ सय ६५ जनाको ज्यान गएको छ । इटालीमा १ लाख ५९ हजार ५ सय भन्दा बढी संक्रमित भएका छन् । ती मध्ये ३५ हजार ४ सय भन्दा बढीलाई निको भएको छ ।
संक्रमणबाट स्पेनमा १८ हजार ५०४, फ्रान्समा १४ हजार ९६७ को ज्यान गइसकेको छ । बेलायतमा पनि ११ हजार ३२९ जनाको ज्यान गएको छ । त्यसैगरी जर्मनीमा ३ हजार १ सय ९४, नेदरल्याण्डमा दुई हजार ८ सय र बेल्जियममा ३ हजार ९ सयभन्दा बढीले ज्यान गुमाएका छन् ।
इरानमा कोरोना संक्रमणबाट ४ हजार ५ सयभन्दा बढीको मृत्यु भएको छ । त्यस्तै, भारतमा संक्रमितको संख्या १० हजार ४ सय ५३ पुगेको छ भने ३ सय १९४ जनाले ज्यान गुमाइसकेका छन् ।
